LUKAS 15:17 - Alkitab Singog In Mongondow Masa In Tanaa

¹⁷ Pangabisannea sia in nosadar bo nosingog nanaa, ‘Intau mita inta nogaid kon i papaku mobayong totok in kaanon kon i monia, táe akuoi in kon naa gogióbí bo matoi in gogoy!

LUKAS 15:17 Iomraidhean Croise

MAZMUR 119:59

Akuoi in norai-raimaidon kon dodiaku, bo nodandi kon dumuduibí kon atorang-Mu.

MAZMUR 73:20

Naonda bo togoindop inta noinggamá kon tungkuḷ in doḷo-doḷom; kon dodai in Iko sinimindog, o Tuhan, yo noinggamádon in mosia.

MOHOHUTUBA 9:3

Dá, ukur inta motongkai in moiumabí doman kon i monia komintan. Bo tua in soaḷ inta mokonakit kon gina ná doman bayongan inta nobaḻí kon dunia. Kon dodai in mobiagpa gina in intau nopuḻing in inta moraat, bo raiannea in nopuḻing doman in kabodokan. Bo daḻídon in sia moyodungkuḷ in wakutunea matoi.

YEREMIA 31:19

Iko ain sinoḻikudan nami, táe nomanasaḷ in kami kon aid tatua. Naonda in ihukum-Mu in kami, kinumuyung in kami sin norobonoḷ in gina. Nooyá in kami bo nobaḻí mokooyá popisí in binaradosadon kon dodai in noguodpa.’

OMBAḶ 1:7

Naonda in norumbun bo nororiga, Yerusalem in nokotorop kon singgainea dungkuḷmai, kon dodai in nobarongpa in kapunyaan; bo naonda in kinoḷoḷabú in intaunea kon bonu in kawasa in musung, bo diá tobatúmai in intau in namangoi notuḷung. Saturunea mita in tongábí kinumosing in nokoontong kon kinorumbunannea.

YEHEZKIEL 18:28

Nosadardon in sia kon bayongan inta pinomianea bo nogogaidon in nogaid kon dosa. Yo sia tua in diábí matoi táe umuranbí mobiag.

HOSEA 2:7

Sia in momatukbí kon intau mita inta kinoibognea, táe diábí mokodapot kon i monia. Sia in motayakbí kon i monia, táe diábí mouḻínea in mosia. Bo sia in moguman, ‘Akuoi in mobuibí mangoi kon i buḷoiku inta muna; kobobiagku dungkuḷmai in mopia-pia nongkon tanaa mako.’

LUKAS 15:16

Wakutu intua, sia in totokdon gogoyon, dá sia in moibog domandon mokaan kon kaanon in boké tatua. Sin umpaka totokdon in gogoyon in sia, táe diábí doman in intau in mamangoi mobogoi in kaanon kon inia.

LUKAS 16:23

Kon dunia in intau minatoi sia mororiga totok. Bo wakutu in sia iḷumangag nongkon tampatnea tatua, inontongnea in ki Abraham, bo ki Lazarus in iḻimitú doman mako kon diugneamai.

LUKAS 8:35

Dá iḷumuaidon in intau mita kon tua sin moindoi kon onu inta ain nobaḻí kon tua. Mosia namangoi kon i Yesus bo inontong monia in intau inta sinaḷaandon in dimukud moraat. Intau tatua iḻimitúdon mako kon diug in sioḷ i Yesus, aindon noratak bo nogiḷambungdon. Mosia inta kon tua, komintan inangoian ondok in nokoontong kon onu inta nobaḻí tatua.

OUMAN IN RASUL MITA 12:11

Bain nopaḷut mako kon tua bo kinotaauannea in onu inta bagupa nobaḻí kon inia, bo sia in noguman, “Tanaa mako in kinotaauankudon kon ki Tuhan in totu-totuubí nopotabá in malaekat-Nea moposaḷamat kon inakó nongkon kawasa i Herodes bo nongkon rupa-rupa inta moraat inta popoaid in intau in Yahudi kon inakó.”

OUMAN IN RASUL MITA 2:37

Naonda in mosia nokodongog kon singog i Petrus tatua noḻiai in gina monia. Bo noḻibó in mosia kon i Petrus bo kon rasul mita ibanea, “Utat mita onu degá in musti pomiaan nami?”

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”