LUKAS 15:15 - Alkitab Singog In Mongondow Masa In Tanaa

¹⁵ Dá sia in minayá nogaid kon tobatú intau kon kotá tatua. Intau tatua nopotabá kon inia minayá in gobá sin moḷukad kon bokénea.

LUKAS 15:15 Iomraidhean Croise

TAWARIKH 2 28:22

Kon bonu in kaadaan inta totok in mororiga tatua, nodugangdon in dosa i Ahas kon i Tuhan.

IḶUAIAN 10:3

Dá ki Musa bo ki Harun minayá nokipodungkuḷ kon i datu bo noguman kon inia, “Ki Tuhan, Allah in bangusa Ibrani, noguman, ‘Dapot in toonu iko doí tumungkud kon i-Nakó? Pomayádon mako in umat-Ku mayá, sinbá mosia in motaau mayá moibada kon i-Nakó.

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 57:17

Dosa in turá monia nokopopisí kon i-Nakó sinumorú, tuamai in ihukum-Ku in mosia bo sinaḷáan-Ku. Táe mosia in pamandot bo umuran momiḻí kon daḷannea tontaní.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

NAHUM 3:6

Pomiaan-Ku in iko naonda bo pakakat mokorongó, Arabon-Ku in iko in taai; Baḻíon-Ku in iko ḻiḻianmai in intau.

MALEAKHI 2:9

Dá baḻíon-Kubí doman in moiko poompáanmai in umat in Israel sin moiko in diá notoindudui kon koibog-Ku, bo popisí in moiko mopoyo-poyoposi kon intau kon dodai in motundú kon umat-Ku.”

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

LUKAS 15:13

Tongonumaidon nosinggai noiduduimai nongkon tua, adí muit tatua nopotaḷui in bayongan silainea bodongka minayá in kotá inta moyayú. Kon tua sia in nopomaké in doitnea tatua inimibo-ibogbí.

LUKAS 15:14

Naonda in doitnea tatua nodaitdon komintan, kotá inta binayáannea tatua kino antugan in malarat, sahingga in sia nomangkoidon doman mokorasa kon roriga sin diádon koonu bo onu.

LUKAS 15:16

Wakutu intua, sia in totokdon gogoyon, dá sia in moibog domandon mokaan kon kaanon in boké tatua. Sin umpaka totokdon in gogoyon in sia, táe diábí doman in intau in mamangoi mobogoi in kaanon kon inia.

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.