LUKAS 15:12 - Alkitab Singog In Mongondow Masa In Tanaa

¹² Inta muit noguman kon i amánea, ‘Papa, ogoidon kon inakó tanaa mako in silaiku nongkon kapunyaan naton.’ Dá sinilaidon i amánea kon i adínea doyowa tua in kapunyaannea.

LUKAS 15:12 Iomraidhean Croise

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

MARKUS 12:44

Sin mosia in nobogoi nongkon kalebean monia. Táe intau boba-bobay tatua in umpaka nobiag nobogá totok in sia, táe sia in nobogoibí in bayongan onu inta oyúon kon inia – inta totokpabí in paraḷunea pakéon kon kobiagannea.”

LUKAS 15:11

Ki Yesus in nongonguman doman kon poumpamaan nanaa, “Oyúon in tobatú guyanga ḷoḷaki kogadí kon doyowa, adí ḷoḷaki komintan.

LUKAS 15:13

Tongonumaidon nosinggai noiduduimai nongkon tua, adí muit tatua nopotaḷui in bayongan silainea bodongka minayá in kotá inta moyayú. Kon tua sia in nopomaké in doitnea tatua inimibo-ibogbí.

LUKAS 15:30

Táe naonda in nobuidon mangoi ki adí i papa inta ain nokopodaitmai kon bayongan kapunyaan i papa takin bobay mita sundaḷ, yo sia in sinomu i papa bo pinorataan kon ki adí in sapi inta totok in moḷongó!’