LUKAS 14:35 - Alkitab Singog In Mongondow Masa In Tanaa

³⁵ Diá bidon in baragunanea umpaka pakéon kon gobá andeka pomupuk. Manangka intua ḷumbúon bidon. Tuamai aka kobongoḷan, yo pokidongog!”

LUKAS 14:35 Iomraidhean Croise

MATIUS 11:15

Aka oyúon in bongoḷan, yo pokidongog.

MATIUS 13:9

“Aka kobongoḷan, yo indongogai!”

MARKUS 4:23

Tuamai, aka kobongoḷan yo pokidongog!”

LUKAS 13:8

Táe moḷoḷukad kon anggur tatua in noguman nanaa, ‘Pomayápa mako in kobiagannea in taong tanaa, bain pasoḷanku bo pupukan in pangkoinea.

LUKAS 8:8

Táe oyúon doman in noḷabú kon butá mopia. Bibit tatua in nobiag nopira bo nomungai nodatog totok. Bungainea in mogatut noguntuḷ in kobayongnea.” Nopaḷut mako nongonguman kon natua, Sia in noguman noropot nanaa, “Ki ine in kobongoḷan yo pokidongog!”

LUKAS 9:44

“Tarukira bo dika koḻiongan in singog-Ku tanaa: Ki Adí Intau posarakan kon kawasa in intau.”

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

WAHYU 2:11

Ki ine in mokodongog, yo tarukira in onu in pinoguman in Roho i Allah kon jamaat mita! Mosia inta mountung, beresi bidon diá mokorasa kon roriga in kopatoian induanea.”

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”

WAHYU 2:29

Ki ine in mokodongog, yo tarukira in onu in pinoguman in Roho i Allah kon jamaat mita!”

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”