LUKAS 14:3 - Alkitab Singog In Mongondow Masa In Tanaa

³ Dá ki Yesus in noḻibó kon mototundú mita kon agama bo intau mita in Parisi inta kon tua, “Aka podudui in agama naton, motaau degá andeka diá in mongundam kon intau notakit kon singgai in Sabat?”

LUKAS 14:3 Iomraidhean Croise

MATIUS 12:10

Kon tua oyúon intau tobatú inta ḻimanea tosimpaḷ minatoi, dá intau inta moibog motayak kon taḷá i Yesus in noḻibó kon i-Nia, “Degá motaau in mongundam kon intau aka singgai in Sabat?”

MATIUS 12:2

Nokoontongmai kon tua, intau mita in Parisi noguman kon i Yesus: “Indoiaika! Murí-Mu mita nogaid kon onu inta pinoton aidan kon singgai in Sabat.”

MATIUS 22:35

Bo tobatú kon sigad monia, inta totok in nonotaau kon hukum i Musa, noḻibó sin monungkuḷ kon i-Nia,

MARKUS 3:4

Onda intua iḻibó i Yesus kon intau mita kon tua, “Aka podudui in agama, onu in motaau aidan naton kon singgai in Sabat? Momia kon mopia andeka moraat? Moposaḷamat kon intau andeka moḻimod?” Mosia komintan nongobió.

LUKAS 14:2

Kon tua oyúon intau inta notakit binoba-bobagaan in ḻima bo sioḷnea.

LUKAS 14:4

Táe mosia tongá kibio-biómai. Dá inoiní i Yesus in intau tatua bo inundaman. Onda intua pinotabá-Neadon minayá in sia.

LUKAS 6:9

Onda intua ki Yesus in noḻibó kon intau mita kon tua, “Aka podudui in hukum agama naton, onu degá in motaau aidan aka singgai in Sabat? Mogaid kon mopia andeka mogaid kon inta moraat? Moposaḷamat kon intau andeka mopobodito?”

YOHANES 7:23

Aka tua pomiaan monimu sinbá diá moḷawang kon atorang i Musa soaḷ sunat, yo nongonu sin moiko in tumorúbí kon i-Nakó tongá popisí in nongundam kon bayongan awak intau kon singgai in Sabat?