LUKAS 14:20 - Alkitab Singog In Mongondow Masa In Tanaa

²⁰ Intau ibanea doman in noguman nanaa, ‘Akuoi in bagu nobuḷoi, tuamai in akuoi in diápa mokopoangoi.’

LUKAS 14:20 Iomraidhean Croise

LUKAS 14:19

Intau inta induanea in noguman nanaa, ‘Akuoi in bagu notaḷui kon sapi ḻima no par bo musti bayáankupa tungkuḷan, dá akuoi in mopoigum maap sin diá mokopobayá.’

LUKAS 14:21

Simpaḷ tatua in nobuidon bo noguman kon i tuangnea kon bayongan alasan inta pinoyaput in intau mita inta sinokooiní. Dá sinumorú totok in ki togi baḷoi tatua poḷat noguman in Sia kon simpaḷnea nanaa, ‘Ḷagidon bayá kon daḷan mita moḷoben bo loro-lorongannea kon kotá, bo diadon mangoi in intau mita inta bogá, bogit, bilog, bo intau mita ḻempeng.’

KORINTUS 1 7:33

Táe intau inta kobuḷoidon, moantóbí totok in raiannea soaḷ in dunia naa, sin moibog in mosia moposanang in gina i buḷoinea;

ULANGAN 24:5

“Ḷoḷaki tobatú inta bagu nobuḷoi diábí motaau in pokituotan tontara bo mayá moparang ande mogaid kon oaidan ibanea. Sia in mustipabí ḷuatan kon oaidannea kon bonu in totaong sin monompia kon tonibuḷoinea bo moposanang in gina i buḷoinea.