LUKAS 14:18 - Alkitab Singog In Mongondow Masa In Tanaa

¹⁸ Táe nobatu-batú mosia in nopoigum maap. Inta muna, noguman nanaa kon simpaḷ tatua, ‘Akuoi in bagu notaḷui kon butá, bo musti bayáanku indoian intua, dá akuoi in mopoigum in maap sin diá mokopobayá.’

LUKAS 14:18 Iomraidhean Croise

YEREMIA 6:10

Akuoi in notubag, “Tuhan, ki ine in posingoganku, bo ki ine in ogoianku in tompoingat? Mosia in pamandot bo doí monaridi. Kosingan monia bo kodoí monia in koyow-Mu inta pinotaauku kon i monia.

LUKAS 14:17

Naonda in wakutuneadon pangkoion in bobutungan tatua, sia in nopotabá in simpaḷnea mayá kon intau mita inta ain sinokooinínea bo moguman kon i monia, ‘Angoidon sin ain sinadia komintan!’

LUKAS 14:19

Intau inta induanea in noguman nanaa, ‘Akuoi in bagu notaḷui kon sapi ḻima no par bo musti bayáankupa tungkuḷan, dá akuoi in mopoigum maap sin diá mokopobayá.’

LUKAS 18:24

Dá ki Yesus in nobobui kon i monia komintan inta kon tua bo nosingog, “Mororiga totok intau inta kodoit mobaḻí umat i Allah!

LUKAS 8:14

Bibit inta noḷabú kon yua-yuak in díat, tua in ibarat intau inta ain nokidongog kon Pirman, tongá gina monia umuran sinisí in kapunyaan inta inanggap monia mokosanang kon kobiagan monia kon dunia naa, sahingga diá notuoi in bungainea.

YOHANES 1:11

Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

YOHANES 5:40

Táe moiko in doí mamangoi kon i-Nakó sinbá mokouḻí kon kobiagan mononoi.

PILIPI 3:4

Sabanarnea akuoi naa in motaaubí doman tumogot mako kon upacara mita natua, sedang bo moiḻiubí kon i monia, aka kuma bo oyúon in dodoyonan monia in mogaid kon soaḷ mita inta koontongan tatua.

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

TIMOTIUS 2 4:4

Mosia in doí bidon mokidongog kon totundú inta noitutui, dongka bidon moibo-ibog mokidongog kon ouman mita inta diá in baragunanea.

IBRANI 12:16

Ḷukadaibí doman sinbá diá in intau mobiag mokotor andeka doí moguntun kon soaḷ mita inta nongkon i Allah, ná inta inaidan i Esau. Sia in nobarani totok nopotaḷui in haknea saḷaku adí guya-guyang tongá popisí in kaanon topindan.