LUKAS 14:15 - Alkitab Singog In Mongondow Masa In Tanaa

¹⁵ Nokodongogmai kon singog i Yesus natua, oyúon tobatú intau inta nongaan noyotakin-Nea in noguman kon i-Nia, “Momujur totok in intau inta mongaan moyotakin i Allah aka Sia mamangoidon saḷaku Datu!”

LUKAS 14:15 Iomraidhean Croise

MATIUS 25:10

Táe wakutu in mosia minayá notaḷui kon ḷana. Noiangoidon in nonikaan tatua, bo mosia inta ain nobasadia in sinumuot noyotakinnea kon ruangan ponikaan tatua, bo iḻingkopandon in ḷoḻingkop!

MATIUS 8:11

Poguman-Ku kon i monimu! Mobayong in intau inta mamangoi nongkon pomukaan bo toyopan bo ḻimitú mongaan moyotakin i Abraham, i Ishak, bo i Yakub kon bonu in Dunia Mobagu i Allah.

LUKAS 12:37

Momujur totok in bobantung mita inta kinotambakanmai i tuangnea umuran mogoḷat mako kon koangoian i tuangnea tatua. Pirisayabí: ki tuang tatua in baḷúbí mobasadia bo moguman kon bobantungnea mita tatua ḻimitú, bo siapa tontaní in mobantung kon i monia.

LUKAS 13:29

Intau mita inta nongkon Pomukaan, Toyopan, Utuan bo Toḷatan komintan mamangoi sin morame kon bonu in Dunia Mobagu i Allah.

LUKAS 22:16

Sin muna-Kudon poguman kon i monimu: Akuoi in diá bidon mokaan bui kon kaanon tanaa modapot intua komintan poponiatadon i Allah kon dunia naa.”

LUKAS 22:30

Takin natua dá moiko in motaau doman mobarasanang takin-Ku kon wakutu in Akuoi in mobaḻí Datu. Bo moiko in ḻimitú kon ḻimonik in mopuḷú bodoyowá in tampat pomomarentaan sin momarenta kon mopuḷú bodoyowá nosuku in bangusa Israel.”

WAHYU 19:9

Bo malaekat tatua in noguman kon inakó, “Paisdon in naa: ‘Mosanangdon totok in intau inta inoiní mamangoi in rame ponikaan i Adí in domba tatua.’ ” Malaekat tatua in noguman doman bui kon inakó, “Habar tanaa in totu-totuubí nongkon i Allah.”