LUKAS 14:13 - Alkitab Singog In Mongondow Masa In Tanaa

¹³ Manangka intua aka iko bo mogaid kon bobutungan, yo oinídon in intau mita bogá, intau nongobogit, intau mita inta ḻempeng, bo intau mita bilog.

LUKAS 14:13 Iomraidhean Croise

SAMUEL 2 6:19

Bodongka nosilai kon kaanon kon i monia komintan. Bayongan in intau inta kon tua, ḷoḷaki andeka bobay inogoiannea in ponoyá tumongo bonsig inta inangag, roti bo kukis kismis. Nopaḷut mako kon tua nobuidon in mosia kon baḷoinea-baḷoinea.

TAWARIKH 2 30:24

Ki Datu Hizkia in nobogoi in sapi koḷakian 1.000 bo domba 7.000. Pogawai mita i Hizkia nobogoi in sapi koḷakian 1.000 bo domba 10.000. Bayongan in biag mita tatua inogoi kon rayat sin ratáan bo kaanon. Nobayong totok in imang in nopotusi in awak.

NEHEMIA 8:10

Pobuidon in tanaa; pongaan bo ponginumdon takin ḷunganga in gina. Ogoidon in tongosilai in kaanon bo anggurmu kon i monia inta diá in kaanon bo inumon. Singgai in naa in singgai inta mokudus kon i Tuhan naton, dá dikadon mokoposusa. Ḷunganga inta inogoi i Tuhan kon i monimu in moginropotbí kon i monimu.”

NEHEMIA 8:12

Dá nobuidon in rayat sin mongaan bo monginum poḷat mosila-silai mako kon kaanon kon intau mita ibanea. Noḷungangadon in gina monia sin kinomangaḻeandon monia in onu inta ain binaca bo dinongog monia tatua.

AYUB 29:13

Akuoi in dinayow in intau inta totok in mosusa, sinuḷunganku in intau mita inta dongka boba-bobay dá nobiag notompia in mosia.

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMSAL 22:9

Intau inta mopia in gina barakatan i Tuhan, tuamai mosilai in sia kon rijiki kon intau inta kinodaitan.

YESAYA 58:10

Ogoiaidon in kaanon kon intau inta gogoyon bo tuḷungaidon in intau mita inta dinorot. Aka moiko mogaid kon natua, dá sindip kon ḻibumumai in mobayagdon ná singgai.

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

MATIUS 15:30

Bo intau mita nodia mangoi kon i-Nia kon intau mita inta pelong, inta ḻempeng, inta bilog, inta bobó, bo takit mita ibanea. Inangoi monia inukat kon tayowonmai i Yesus bo komintan inundaman-Nea in mosia sahingga in nodait nopia.

MATIUS 22:10

Dá bobantung mita tatua in minayá bo nosipun kon bayongan in intau inta noyodungkuḷ monia kon daḷan. Intau mita moraat bo intau mita mopia, sahingga nopuḻingdon intau in ruangan pinonikaan tatua.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

LUKAS 14:12

Onda intua ki Yesus noguman kon i togi baḷoi, “Aka iko bo mogaid kon bobutungan kon wakutu in singgai andeka doḷom, yo donaaidon mogoiní kon yobayat, utat, andeka bayongan ginaḷum bo topodiugmu inta nobiag nooyúon, sin aka natua yo tuḻían doman oiníon monia in iko. Dá oyúon tontuḻí in pinogoiníanmu kon i monia.

LUKAS 14:14

Aka natua yo iko in barakatan sin intau mita tatua in diá mokotuḻí kon oaidmu inta mopia. Oaidmu inta mopia tua in ki Allahbí in motuḻí kon wakutu in intau mita mopia tatua biagon bui nongkon kinopatoiannea.”

LUKAS 14:21

Simpaḷ tatua in nobuidon bo noguman kon i tuangnea kon bayongan alasan inta pinoyaput in intau mita inta sinokooiní. Dá sinumorú totok in ki togi baḷoi tatua poḷat noguman in Sia kon simpaḷnea nanaa, ‘Ḷagidon bayá kon daḷan mita moḷoben bo loro-lorongannea kon kotá, bo diadon mangoi in intau mita inta bogá, bogit, bilog, bo intau mita ḻempeng.’

OUMAN IN RASUL MITA 9:39

Ki Petrus in baḷú nonoinut bo minayá noyotakin monia. Naonda in noiyaputmai kon tua, dinia monia in sia noponik kon gopot inta pinogukatan kon mayat i Dorkas. Bayongan in intau inta dongkadon boba-bobay komintan namangoi sinimindog kon diug i Petrus poḷat nongombaḷ bo mopoontong doman in ḷambung inta inaidan mita i Dorkas wakutu in nobiagpa.

ULANGAN 14:29

Kaanon tatua in ogoibí kon intau in Lewi sin mosia in diá kobutá, bo kon intau ango-angoi, adí uno-unon bo inta dongka boba-bobay inta nobiag kon kotámu mita. Mosia in motaaubí in mamangoi mogamá kon bayongan inta paraḷuon monia. Aka aidan monimu in natua, dá ki Tuhan Allahmu in momarakatbí kon bayongan onu inta inaidanmu.”

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

ULANGAN 16:14

Pobarasanangdon takin i adímu mita, in bobantungmu mita, in intau in Lewi, intau ango-angoi, adí uno-unon bo inta dongka boba-bobay mita inta nogutun kon kotámu mita.

TIMOTIUS 1 3:2

Tuamai intau inta mobaḻí itoi kon jamaat in mustibí intau inta motuḻid in gina, tongá tobatú in ki buḷoinea, mokokawasa kon ibog in gina, mobijaksana, mopia in oaid, moibog motuḷung kon bayongan in intau bo motaau motundú kon inta mopia kon intau ibanea;

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

TITUS 1:8

Mustibí intau inta moibog motuḷung kon intau ibanea, moibog kon inta mopia, mokotahang kon bibig, mojujur bo motoindudui kon ibog i Tuhan.

PILEMON 1:7

Uḻe Pilemon utatku, tabimu kon bayongan in umat i Allah, nokosanangdon totok kon ginaku bo nokodugang domandon kon ropot in pirisayaku! Bayongan in gina in umat i Allah in pinosanangmudon.

IBRANI 13:2

Dika moondo-ondok in motarima kon intau mita inta diápa nogogintaauan monimu aka mongandup in sia kon baḷoimu. Sin nokoimontandon in nobaḻí, oyúon intau in noibog pinongandupan in intau mita inta diá nogogintaauannea, bo naanta mosia tua in malaekatbí mita.