LUKAS 14:12 - Alkitab Singog In Mongondow Masa In Tanaa

¹² Onda intua ki Yesus noguman kon i togi baḷoi, “Aka iko bo mogaid kon bobutungan kon wakutu in singgai andeka doḷom, yo donaaidon mogoiní kon yobayat, utat, andeka bayongan ginaḷum bo topodiugmu inta nobiag nooyúon, sin aka natua yo tuḻían doman oiníon monia in iko. Dá oyúon tontuḻí in pinogoiníanmu kon i monia.

LUKAS 14:12 Iomraidhean Croise

AMSAL 14:20

Intau bogá in kodoíbí umpaka yobayatnea mita; táe intau nooyúon nobayong in yobayatnea.

AMSAL 22:16

Ki ine in moibog mooyúon pongin mondorot kon intau bogá bo mobogoi in tombuinag kon intau nooyúon kon imbuitnea in momalaratbí.

MATIUS 5:46

Táe aka moiko bo tongá motabi kon intau inta motabi doman kon inimu, onubí in mangaḻenea? Diá kinotaauan monimu degá kon mononagi mita doman kon pajak mogaid doman kon natua?

LUKAS 1:53

Sia mobogoi in bayongan inta mopia kon intau mita inta ginogoy, táe intau mita inta nooyúon poguntunon-Nea bo diá ogoian in onu bo onu.

LUKAS 1:58

Bo naonda in topodiugnea mita bo ginaḷumnea mita nokodongog kon ki Tuhan ain nopoontong in totabi-Nea inta totok in moḷoben, dá nopia totok in gina monia, natua doman gina i Elisabet.

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

LUKAS 14:13

Manangka intua aka iko bo mogaid kon bobutungan, yo oinídon in intau mita bogá, intau nongobogit, intau mita inta ḻempeng, bo intau mita bilog.

KORINTUS 2 6:13

Yo tanaa in pomayápa mako in akuoi in mosingog kon i monimu naonda bo guyanga mosingog kon i adíku mita tontaní. Tarimadon in kami kon bonu in gina monimu.