LUKAS 14:11 - Alkitab Singog In Mongondow Masa In Tanaa

¹¹ Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

LUKAS 14:11 Iomraidhean Croise

SAMUEL 2 22:28

Intau inta moompá in dodia posaḷamaton-Mu; táe intau inta mokaḷakuang potungkudon-Mu.

ESTER 6:10

Bo ki datu in noguman kon i Haman, “Koḷamemet, gamádon in ḷambung bo kabaḷo tatua bo ogoidon in bayongan in kahoromatan tatua kon i Mordekhai, intau in Yahudi tatua. Aidaidon ná inta pinogumanmu koina, bo dikabí gaatan in tobatúmai. Sia intua ḻimitú mako kon tayowon in bonawang in komaḻig.”

AYUB 22:29

Intau inta mokaḷakuang pinoompá i Tuhan, táe inta moompá in gina in posaḷamaton.

MAZMUR 138:6

Iko in totokbí in momulia, táe inta noempeng in inindoian-Mubí doman; intau moḷoḷatú in diábí mokopogadop kon ini-Mu.

MAZMUR 18:27

Iko in moponiata kon intau kon motusi in Iko, táe intau inta moraat in nobaḻí musung-Mu.

AMSAL 15:33

Motoguondok kon Tuhan in nobaḻí dodoyonan in topotundú inta mopia; kahoromatan inunaan in ompá in dodia.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

AMSAL 25:27

Diábí mopia in mokaan kon biluk moiḻiu, natua doman diábí mopia in moiḻiu in pododayow.

AMSAL 29:23

Intau moḷoḷatú in poompáanmai; intau inta moompá in gina in dayowon.

YESAYA 2:11

Intau moḷoḷatú in poompáanbí bo intau mododia potungkudon. Tongá ki Tuhan tontaní in poḷantudon.

YESAYA 2:17

Intau moḷoḷatú in poompáan, bo intau mododia in potungkudon. Tongá ki Tuhan tontaní in poḷantudon.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

MATIUS 23:12

Bo ki ine in mosiḷantud, yo sia in poompáan bo ki ine moompá in dodia yo sia tua in poḷantudon.”

LUKAS 1:51

Takin kawasa-Nea inta totok in moropot, Sia in mopoyayit in bayongan intau inta mododia, bo momoguyaat kon tomayá mita monia.

LUKAS 1:52

Datu mita in dunia naa poponagon-Nea mita nongkon tampat pomomarentaan monia, táe intau mita inta moompá in dodia in poḷantudon-Nea.

LUKAS 14:12

Onda intua ki Yesus noguman kon i togi baḷoi, “Aka iko bo mogaid kon bobutungan kon wakutu in singgai andeka doḷom, yo donaaidon mogoiní kon yobayat, utat, andeka bayongan ginaḷum bo topodiugmu inta nobiag nooyúon, sin aka natua yo tuḻían doman oiníon monia in iko. Dá oyúon tontuḻí in pinogoiníanmu kon i monia.

LUKAS 18:14

“Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”

YAKOBUS 1:9

Intau in Keresten inta nobiag nobogá, kosanangbí aka sia in poḷantudon i Allah.

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

PETRUS 1 5:6

Manangka intua kodu-koduduidon in moiko kon kawasa i Allah inta moropot, sinbá poḷantudon-Nea in moiko aka wakutuneadon.

SAMUEL 1 15:17

Ki Samuel in noguman, “Tantú kinotaauanbí i Tuang Datu, kon umpakabí kon raianmu tontaní ki Tuang Datu naa in mointok táe binaḻí bidon itoi kon suku mita in Israel? Bo iko nion in binarakatandon i Tuhan nobaḻí datu kon Israel,