LUKAS 13:35 - Alkitab Singog In Mongondow Masa In Tanaa

³⁵ Tuamai taḷaan i Allah in moiko. Sinbá kotaauan monimu, nongkon tanaa mako moiko in diá bidon mokoontong kon i-Nakó bui, modapot in moiko mosingog nanaa, ‘Binarakatan in Sia inta namangoi kon bonu in tangoi i Tuhan.’ ”

LUKAS 13:35 Iomraidhean Croise

MAZMUR 118:26

Binarakatandon in sia inta namangoi pinodoyon kon tangoi Tuhan, barakatan nami in moiko nongkon Baḷoi Tuhan.

MAZMUR 69:25

Poḷuaidon in torú-Mu kon i monia, biódon mako in mosia kotugatan in torú-Mu inta modoko-dokot.

YESAYA 52:7

Totuu mosanang in mokoontong kon koangoian in totabá, Sia in mayá mongin buḷud bo modia kon habar mopia habar kobiagan mopia, habar kasaḷamatan kon Sion, kainia, “Allahmu in Datu!”

YEREMIA 22:5

Táe aka moiko bo diá dumudui kon parenta-Ku mita, dá ibotan-Ku kon komaḻig tanaa in mobaḻíbí apug. Akuoi, ki Tuhan, ain nosingog.

YEREMIA 35:17

Tuamai, Akuoi, ki Tuhan Inta Totok in mokawasa, Allah in Israel, in mopoangoibí kon i monimu – intau in Yohuda bo Yerusalem – bayongan in bodito inta ain sinantú-Ku kon i monimu, ná inta ain pinoguman-Ku. Tua in inaidan-Ku popisí in moiko in doí mokidongog aka Akuoi mosingog kon inimu, bo moiko in doí tumubag kon dodai in Akuoi mogoiní kon i monimu.”

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

ZAKHARIA 14:2

Ki Tuhan in mosipunbí kon bayongan in bangusa sin monubu kon Yerusalem. Kotá tatua in agowonbí, bonu in baḷoinea in takowon, bo bobay mita in tokodomokon. Tongobotak kon intau inta nogutun kon tua in diaan kon poḷumbúan, táe kiagatnea in mogutunbí kon kotá tatua.

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

YOHANES 12:13

Dá mosia nogamádon kon daun mita in palem bo minayá nonontomu kon i Yesus. Takin sanang in gina mosia in noguman, “Dayowdon in ki Allah! Binarakatandon in Sia inta namangoi kon bonu in tangoi Tuhan, Datu Israel!”