LUKAS 13:33 - Alkitab Singog In Mongondow Masa In Tanaa

³³ Táe umpaka natua yo Akuoi in mustipabí mongingguput kon bobayáan-Ku in singgai naa, ikoḷom bo toumá, sin diábí mopia in tobatú nabi ḻimodon kon ḷuai in Yerusalem.

LUKAS 13:33 Iomraidhean Croise

MATIUS 20:18

“Indongogai! Tanaa mako kita mayá in Yerusalem. Kon tua Adí Intau poposarakandon kon imang mita itoi bo kon mototundú mita kon agama. Bo mosia i mopoḷabú in hukuman matoi kon i Adí Intau,

MATIUS 21:11

Intau moantó tatua notubag, “Naadon in ki Nabi Yesus nongkon Nazaret kon Galilea.”

LUKAS 9:53

Táe intau mita in Samaria doí motarima kon koangoian i Yesus, sin noniatadon totok kon Sia nopobayá ná Yerusalem.

YOHANES 11:54

Tuamai ki Yesus in diádon minayá kon sigad in intau mobayong inta kon sigad in intau Yahudi. Sia in nonaḷámaidon kon Yudea, bo minayá in kotá in Epraim inta kon diug in padang gurun. Sia in nogutun kon tua takin murí-Nea mita.

YOHANES 11:9

Ki Yesus in notubag, “Degá diábí kinotaauan monimu kon tosinggai tua mopuḷúbí bodoyowá, nojam? Intau inta mayá singgai, diábí moipintud, sin ontongonneabí in bayag in dunia naa.

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

YOHANES 9:4

Kon dodai in nobayagpa, kita in musti mogaid kon oaidan i-Nia inta nopotabá kon i-Nakó. Moiangoibí in doḷom, bo diábí in tobatúmai intau in motaau mogaid.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 13:27

sin bayongan intau inta nogutun kon Yerusalem bo itoinea mita in diábí nonotaau kon Siabí tua inta mopoposaḷamat, sahingga ihukumbí monia in Sia nodapot minatoi. Táe hukuman tatua in mogintompodbí kon onu inta ain pinoguman muna in nabi mita inta tantú bacaan monia aka kon singgai in Sabat.