LUKAS 13:19 - Alkitab Singog In Mongondow Masa In Tanaa

¹⁹ Kaadaannea tua in naonda bo batoḷ in sesawi, inta ginamá in intau bo pinomuḷa kon gobánea. Batoḷ tatua in nobiag simimpangkoi, dá angoian in ḷagapan bo ponompugadan in pangkoinea.”

LUKAS 13:19 Iomraidhean Croise

DONDONG MOḶANTUD 4:12

Batoḷ in dodobku in gobá inta dininding, gobá dininding, bokaká inta kinunsían.

DONDONG MOḶANTUD 4:16

Pobangondon, ei tompot in utuan, angoidon, ei tompot in toḷatan! Pogirupdon kon gobáku, sinbá bondunea in kobóan. Igumon mako batoḷ in dodobku mamangoi kon gobánea, bo mokaan kon bungainea mita inta mopia in nanamnea.

DONDONG MOḶANTUD 6:2

Batoḷ in dodobku minayá in gobánea, kon gobá in toyokayu sin moḷukad kon domba mita kon gobá, bo mosipú kon bungang mita bakung.

DONDONG MOḶANTUD 8:13

Ei, intau mita kon gobá, yobayat mita moibog mokidongog kon tosingogonmu; popodongogdon intua kon inakó!

YESAYA 53:1

Bangusa tatua in notubag, “Ki ine in mopirisaya kon onu inta ain dinongog nami? Kon i ine in pinoponiataan in kawasa i Tuhan?

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

YESAYA 58:11

Akuoi in umuranbí mokapit kon i monimu bo mopobotug kon i monimu kon butá inta noingkag; Akuoi in moḷukadbí kon i monimu sinbá umuran mosehat bo moropot. Moiko in nádon onda bo taman inta tugat in tubignea, naonda bo bokaká inta diá mogio-giot.

YESAYA 61:11

Naonda bo bibit inta inambor mobiag mobaḻí pinomuḷa, natuata in ki Tuhan Allah nopobiag in kasaḷamatan bo bayongan in bangusa modayow kon i-Nia.”

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 31:12

Mosia in mamangoi in Tombuḷud in Sion takin pogot motamburiang, poḷat modondong takin pia in gina popisí in bayongan inta inogoi-Ku kon i monia, gandum, ḷana, anggur, sapi bo domba. Mosia in mobaḻídon naonda bo taman inta mobayong in tubignea, bo diábí kodaitan in onu bo onu.

YEHEZKIEL 31:6

Noyagi-yagimai in ḷagapan in nonompugad kon tanganea. Mahaḷuk ḻindong nononggadí kon siungonnea. Bayongan in bangusa moḷoben kon sinangkub in dunia iḻimitú noniung kon siungonnea.

DANIEL 4:12

Daunnea mita in nongoḷunow bo bungainea in modatog totok, tugatbí kaanon in bayongan inta nogutun kon dunia naa. Mahaḷuk mita ḻindong in nosiug mako kon siungonnea bo ḷagapan mita in nonompugad kon tanganea mita. Bo bayongan in mahaḷuk motaaubí mokaan kon bungainea mita.

DANIEL 4:21

Daunnea mita inta nongo ḷunow bo bungainea mita in modatog dá tugatbí kaanon in bayongan tombonu in dunia naa. Mahaḷuk mita ḻindong umuḻid mako kon siungonnea, bo ḷagapan mita in monompugad kon tanganea mita.

ZAKHARIA 2:11

Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

MATIUS 17:20

Ki Yesus in notubag, “Popisí in diá mopirisaya in moiko. Tuamai Akuoi in moguman kon i monimu, ‘Aka oyúon pirisayamu tongá kabí ná koḷoben batoḷ in sesawi’, yo moiko in motaau moguman kon buḷud tanaa, ‘Pomampingdon kon tua!’ Dá buḷud tanaa in dumuduibí doman kon singogmu, bo diábí in tobatúmai in diá motaau monimu aidan. [

MARKUS 4:30

Ki Yesus bui noḻibó, “Aka ki Allah momarenta saḷaku Datu, yo onu in motaau potongkaian naton kon onu? Onu in contoh inta motaau baḻíon naton dodoyonan poginsilangan kon tua?

LUKAS 17:6

Tubag i Tuhan, “Aka oyúon in pirisaya monimu tongákabí ná koḷoben in batoḷ in sesawi, yo moiko in motaaubí moguman kon pangkoi in kayu inta moḷoben tatua, ‘Korabutdon in iko bo kobiagdon kon bonu in dagat,’ dá pangkoi in kayu tatua in dumuduibí doman kon singogmu.”

OUMAN IN RASUL MITA 2:41

Noantó in intau in nopirisaya kon inta pinoguman i Petrus bo poḷat nokibaptis. Dodai intua intau inta nopirisaya in nodugangdon toḷu noribu in kobayongnea.

OUMAN IN RASUL MITA 21:20

Nokodongogmai kon ouman i Paulus tatua, mosia in nodayow kon i Allah. Bo mosia in noguman kon i Paulus nanaa, “Utat, indoiaika dá aindon kon ribuannea in intau Yahudi in nopirisaya kon i Yesus. Mosia tua in intaubí mita inta totok in motoindudui kon hukum i Musa.

OUMAN IN RASUL MITA 4:4

Táe intau mita inta ain nokodongog kon onu inta ain sinundú in rasul mita tatua nobayong in nopirisaya. Dá nodugangdon in kobayong monia, kon bonu in ponarukiraan ḻimamaidon noribu in kobayongnea in ḷoḷaki.

SURAT I PAULUS KON JAMAAT RUM 15:19

inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”