LUKAS 13:18 - Alkitab Singog In Mongondow Masa In Tanaa

¹⁸ Ki Yesus in bui noḻibó, “Onu degá in motaau-Ku popoumpamaan aka ki Allah mamangoi momarenta saḷaku Datu? Naonda degá in kaadaannea?

LUKAS 13:18 Iomraidhean Croise

OMBAḶ 2:13

O Yerusalem, Kotá in Sion inta kinotabi totok, kinorumbunanmu in nádon koḷoben in baḷangon. Onu degá in motaauku singogon sin mopoḻipoi? Sin, diábí kon dodai in onda in nokouḻí kon roriga ná iko. Totuu kon diábí in mokopobui kon kaadaanmu.

MATIUS 13:24

Ki Yesus in bui nongonguman kon i monia, kon tobatú poumpamaan, kai-Nia, “Aka ki Allah momarenta, yo naonda bo intau inta nogambor kon bibit inta mopia kon gobánea.

MARKUS 4:26

Ki Yesus in nongingguput bui kon ouman-Nea, “Aka ki Allah momarenta saḷaku Datu, kaadaan-Nea in motaau popoumpama naonda bo intau inta nogambor kon bibit kon gobánea.

LUKAS 13:20

Onda intua ki Yesus in noḻibó bui, “Onupa doman in motaau-Ku popoumpamaan aka ki Allah mamangoi momarenta saḷaku Datu?

LUKAS 17:21

dá intau in moguman nanaa, ‘Indoiaika, sia in naa!’ andeka, ‘Kon tua in dia!’ Sin ki Allah in nomangkoidon nomarenta kon yua-yuak monimu.”

LUKAS 7:31

Ki Yesus in nosingog bui nanaa, “Onu degá in motaau-Ku popoumpamaan kon intau mita masai naa, ná onu degá in mosia tua?