LUKAS 13:15 - Alkitab Singog In Mongondow Masa In Tanaa

¹⁵ Táe ki Tuhan in noguman kon inia, “Ei intau mongomunapik, degá diábí kinotaauan monimu kon moikopa momuḻi doman kon sapi andeka keledai monimu nongkon ḷantungnea aka kon singgai in Sabat sin bayáan poinumon.

LUKAS 13:15 Iomraidhean Croise

AYUB 34:30

Dá bangusa mita in diá mokopongonu in mogimaḷow kon inta moraat mongawasa.

AMSAL 11:9

Pongongumanan in intau moraat in mokoyopú; hikmat in intau mopia in mokosaḷamat.

YESAYA 29:20

Tuata in imbuit in intau mita inta mondorot kon intau ibanea bo inta moningkuḻe kon i Allah. Ki Allah in moyopúdon kon bayongan in intau baradosa,

MATIUS 15:14

Pomayádon mako intau mita natua. Sin mosia tua in intau bilog inta motundú kon daḷan kon intau doman bilog. Sin aka intau bilog bo mokapit kon intau doman bilog, yo tumpaḷabí in taya dua moḷabú kon bubú.”

MATIUS 15:7

Ei intau inta mongomunapik! Totuudon onu inta pinoguman muna i Nabi Yesaya soaḷ moiko,

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 23:28

Ná doman tua in moiko. Kon ḷuai koontongan intau mobanar; táe kon bonu in ginamu nopuḻing in oaid diá totuu bo moraat.”

MATIUS 7:5

Ei intau momunapik! Poḷuaipa muna in kayu kon bonu in matamu, sinbá motarang in matamu, bo motaaudon mopoḷuai in puḻing kon mata i utatmu.

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

LUKAS 14:5

Nopaḷut mako kon tua, ki Yesus in noḻibó kon i monia, “Yo aka kuma bo oyúon in ki adí monimu andeka bobiagon monimu moḷabú kon parigí kon singgai in Sabat, yo umpaka diá ḷagi ḷongasion monimu bo poḷuaion kon singgai doman tatua?”

LUKAS 6:42

Ná ondabí in moiko motaau moguman kon i utatmu, ‘Uḻe, onda bá inggamáanku in puḻing kon matamu nion’, sedang balak kon matamu in diábí indoianmu muna? Ei intau mongomunapik! Poḷuaipa muna in balak kon bonu in matamu. Bá matamu in motarangdon totok bain tua bo iko in motaau mopoḷuai in puḻing kon mata i utatmu.”

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

LUKAS 7:19

bodongka pinotabánea mayá moḻibó kon i Yesus, “Ki Tuangdon degá inta pinodandi mamangoi tua, andeka mogoḷatpa in kami kon intau ibanea?”