LUKAS 13:13 - Alkitab Singog In Mongondow Masa In Tanaa

¹³ Bo pinoukat-Nea in ḻima-Nea kon uḷu in bobay tatua, dá kon dodaipa doman intua sia in sinimindog notuḻid bo poḷat nodayow kon i Allah.

LUKAS 13:13 Iomraidhean Croise

MATIUS 9:8

Intau moantó inta nokoontong kon onu inta nobaḻí tatua noondok bo nodayow kon i Allah inta ain nobogoi in kawasa ná domai tua in koḷoben kon intau.

MARKUS 16:18

Aka mosia mokadai kon uḷag andeka monginum kon rasum, diábí mobodito in mosia. Bo aka kadaian monia in intau mita motakit yo mongopia.”

MARKUS 5:23

bo totok in nopoigum nanaa kon i Yesus, “Pak Guru, ki adíku bobay notakit moyoyiga. Poigumonku ki Pak Guru mamangoipa moḻiai kon inia sinbá mopia bo diápa matoi!”

MARKUS 6:5

Kon tua diá tobatúmai inaidan-Nea in mokoherang, koḻikud in nomarakat kon i monia inta nongotakit bo mosia inta notakit in nongopia.

MARKUS 8:25

Bui iyapu i Yesus mata intau tatua, dá totu-totuudon nokoontong in intau tatua bo nopiadon, sahingga in nodaitneadon ontongon motarang.

LUKAS 13:12

Naonda inontong i Yesus in sia, ki Yesus in noguman, “Iná, nopia bidon in takitmu!”

LUKAS 18:43

Kon dodaipa doman tatua bo nokoontongdon in intau tatua poḷat dinumudui kon i Yesus bo sindaḷan modayow kon i Allah.

LUKAS 4:40

Naonda in tongkaná in tumoyopdon mata in singgai, komintan intau in nodia mangoi kon i utat mita monia inta notakit noyagi-yagimai sin angoion pokiundam kon i Yesus. Bo nodait iyapu i Yesus in mosia dá nongopia in takit mita monia tua.

OUMAN IN RASUL MITA 9:17

Dá ki Ananias in minayá domandon in baḷoi tatua bo nomarakat kon i Saulus, kainia, “Saulus utatku, ki Tuhan Yesus inta ain nokipogontong kon i utat kon daḷan, wakutu in ki utat mopoangoi in naa, Sia doman tua inta nopotabá kon inakó mamangoi kon inimu sinbá ki utat in buipa mokoontong bo kawasaandon in Roho i Allah.”