LUKAS 13:12 - Alkitab Singog In Mongondow Masa In Tanaa

¹² Naonda inontong i Yesus in sia, ki Yesus in noguman, “Iná, nopia bidon in takitmu!”

LUKAS 13:12 Iomraidhean Croise

MAZMUR 107:20

Sia in nongundam kon i monia pinodoyon kon parenta-Nea, bo nopoḷagui kon i monia nongkon bubú in poḷoḷobongan.

YESAYA 65:1

Ki Tuhan in noguman, “Akuoi in nosadiadon motubag kon umat-Ku, táe mosia in diábí nosambayang kon i-Nakó. Akuoi in moibogbí angoian monia, táe mosia in diábí notayak kon i-Nakó. Bangusa tatua in diábí nogoiní kon i-Nakó, umpaka Akuoi nosadiadon motubag: Naadon in Akuoi!

YOËL 3:10

Tontaḷdon in mata in pajekomu mobaḻí kedang, bo tosilad roratabmu mobaḻí totumbuk. Bo intau inta moyangkó in musti moguman, ‘Akuoi in mayábí doman moparang naonda bo tontara!’

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MATIUS 8:16

Naonda in noungkoḷomdon, mobarong in intau inta kinotoḷangan dimukud moraat in dinia mangoi kon i Yesus. Bo tongá takin tosingogon totontagá ki Yesus noguntun kon dimukud mita moraat tatua bo nongundam kon intau mita inta nongotakit.

LUKAS 13:11

Kon tua oyúon in tobatú bobay inta ain mopuḷú bowaḷu notaong notakit. Bobay tatua nobungkutdon dá diádon motuḻid in sosindognea.

LUKAS 13:13

Bo pinoukat-Nea in ḻima-Nea kon uḷu in bobay tatua, dá kon dodaipa doman intua sia in sinimindog notuḻid bo poḷat nodayow kon i Allah.

LUKAS 13:16

Kon naa oyúon in bobay inta mopuḷúdon bowaḷu notaong in umuran kinokodan mako in Ibilis. Ibilis tatua musti inggamáan nongkon inia. Sin sia tua in buíbí doman i Abraham?”