LUKAS 13:11 - Alkitab Singog In Mongondow Masa In Tanaa

¹¹ Kon tua oyúon in tobatú bobay inta ain mopuḷú bowaḷu notaong notakit. Bobay tatua nobungkutdon dá diádon motuḻid in sosindognea.

LUKAS 13:11 Iomraidhean Croise

AYUB 2:7

Dá Ibilis in minayádon nongkon tayowon i Tuhan, bo nopomuká in bituḷ mita kon bayongan in awak i Ayub pinangkoi kon paḷad in sioḷ noidapot kon tudu in uḷu.

MAZMUR 145:14

Ki Tuhan in motuḷung kon intau inta kinoantugan in susa, Potorindogon-Nea in intau inta noikuyung.

MAZMUR 146:8

bo mobuká kon mata in intau bilog. Sia in moposindog kon intau inta noḷabú, bo motabi kon intau inta mojujur.

MAZMUR 38:6

Kekebku mita in nonombobogdon bo nobongkogdon, popisí in sinumon bodokdon in akuoi.

MAZMUR 42:5

Moajar in ginaku aka mokotorop kon singgai tungkuḷ intua, kon tungkuḷ in akuoi mayá in Baḷoi Tuhan moyotakin in intau mobayong sin momia kon bobutungan. Akuoi in kon muna in intau mobayong tatua sindaḷan mopodondong in dondong dodayow.

MAZMUR 6:2

Tuhan, donaaidon kaasí mosambok kon inakó podoyon kon torú-Mu, donaaidon mohukum kon inakó podoyon kon yaat in gina-Mu.

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MARKUS 9:21

Ki Yesus in noḻibó kon i amá in adí tatua, “Dodaipa onda in sia nanaa?” “Nongkon mointokanpamai!” tubag i amánea tua.

LUKAS 13:12

Naonda inontong i Yesus in sia, ki Yesus in noguman, “Iná, nopia bidon in takitmu!”

LUKAS 13:16

Kon naa oyúon in bobay inta mopuḷúdon bowaḷu notaong in umuran kinokodan mako in Ibilis. Ibilis tatua musti inggamáan nongkon inia. Sin sia tua in buíbí doman i Abraham?”

LUKAS 21:28

Aka tua bo mobaḻídon, yo pobangondon bo ḷangag kon ḷangit, sin diádon moonggot bo posaḷamaton in moiko.”

LUKAS 8:2

Oyúon doman in bobay inta ain inundaman-Nea nongkon kinotoḷangan in dimukud mita moraat bo bayongan takit ibanea. Naa in tangoi monia tua: Ki Maria inta dinonoi ki Magdalena (pitu in dimukud moraat inta ain pinoḷuai kon inia);

LUKAS 8:27

Naonda in ki Yesus noponag kon toba, Sia inangoi in tobatú intau inta nongkon kotá tatua. Intau tatua kinotoḷangan in dimukud moraat. Noonggotdon in sia in diá nogiḷambungmai bo diádon doman nogutun kon baḷoinea. Sia nogutun bidon kon angob mita inta poḷoḷobongan kon intau minatoi.

LUKAS 8:43

Bo kon sigad in intau moantó tatua, oyúon in tobatú bobay inta aindon mopuḷú bodoyowá notaong notakit sinoḷoganmai in dugú, bo diá tobatúmai in mokopia kon takitnea tatua.

OUMAN IN RASUL MITA 3:2

Kon tua oyúon in tobatú ḷoḷaki inta ḻempeng nongkon noilahirpamai. Pomuḷoi in singgai umuran in sia buḻigan intau pobayá in diugmai in ngara in Baḷoi Tuhan, ngara tatua sinangoian “Ngara mogaga”. sia in dinia minayá intua sin mopoigum in totabi kon intau mita inta tumuot kon Baḷoi Tuhan tatua.

OUMAN IN RASUL MITA 4:22

Sin intau inta inundaman tatua umurnea aindon noiḻiu kon opat nopuḷú notaong.