LUKAS 12:7 - Alkitab Singog In Mongondow Masa In Tanaa

⁷ Nodapot in buok kon uḷumu, yo kinotaauan-Neabí in kobayongnea. Manangka intua yo dikabí moondok in moiko; sin moikobí in momaha-mahaḷ in ḷagapan mita tatua!”

LUKAS 12:7 Iomraidhean Croise

SAMUEL 2 14:11

Guman in bobay tatua, “Poigumon mako ki Tuangku in mosambayang kon i Tuhan Allah i Tuangku, sinbá intau inta moibog motuḻí kon kinopatoian i adíku tatua in diá modapot in mogaid kon inta moraat moḷoben takin moḻimod kon i adíku inta dongkadon tobatú tatua.” Tubag i Daud, “Podoyon kon i Tuhan inta nobiag, ki adímu tatua in diábí onuon umpaka tongá topiḻikmai.”

AYUB 35:11

bo inta nobogoi kon intau in raian noiḻiu kon ḷagapan mita bo biag kon dunia.

MAZMUR 8:6

Táe dinuí-Mu in sia gogió bo notongkai i Allah, Pinopoḷutudan-Mu in sia in kamuliaan bo kahoromatan.

MATIUS 12:12

Intaubí in moḷobe-ḷoben mangaḻenea aka poyobandingonmai in domba! Tuamai motaaubí in mogaid kon mopia kon singgai in Sabat.”

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

LUKAS 21:18

Táe diábí tougatmai in buok kon uḷumu in moḷabú.

OUMAN IN RASUL MITA 27:34

Tuamai akuoi in moguman kon i monimu, mongaanpa umpaka tongá tumongopiḻik. Simbá mosehat in moiko bo moropotpa. Sin mosaḷamatbí komintan in moiko bo diábí in mogaat kon sigad monimu nion.”

SAMUEL 1 14:45

Táe rayat in noguman kon i Saul, “Musti hukumon matoi degá in ki Yonatan? Bokaka siabí in inta nodia kon kauntungan moḷoben tanaa? Diá! Kami in modandi podoyon kon i Tuhan inta nobiag, kon ki Yonatan in diábí motaau koinggamáan in tongáka buok tougat kon uḷunea. Sin tongábí popisí in totuḷung i Tuhan, sia in nokouḻí kon kauntungan kon singgai in naa.” Natuata in nobaḻí, ki Yonatan pinosaḷamat in rayat nongkon hukuman matoi.