LUKAS 12:45 - Alkitab Singog In Mongondow Masa In Tanaa

⁴⁵ Tongá aka bobantung tatua bo moraat bo mosingog doman kon bonu in gina nanaa, ‘Ki tuangku in diápabí moiangoi,’ bo nomangkoi in sia momongkug kon bobantung mita ibanea ḷoḷaki-bobay bodongka mayá mongaan bo monginum dapot moḷoḷangu,

LUKAS 12:45 Iomraidhean Croise

AYUB 24:23

Inogoian i Allah in sia in kobiagan motompia, táe umuran iḷukadannea mako.

YESAYA 65:6

Hukuman monia in noipaisdon kon tayowon-Ku. Totuu, Akuoi in diábí tongá kibio-biómai. Akuoi in motuḻíbí kon aid monia inta moraat

YEREMIA 20:2

pinarentanea sinbá bongkugon in akuoi bo umantungan kon Bonawang in Benyamin, bonawang kon dotá in ḻimonik kon Baḷoi Tuhan.

YEHEZKIEL 12:22

“Ei intau inta ilo-ilow, nongonu sin intau in Israel in moibo-ibogbí mosingog kon peribahasa tanaa: ‘Wakutu in mobaḷui, táe onu inta pinoguman mita in diápabí doman mobobaḻí’?

YEHEZKIEL 34:8

Podoyon kon tangoi-Ku, ki Allah inta nobiag, tondudutdon! Domba-Ku mita ain dinomok bo kinaan in mahaḷuk moraat, popisí in diá in noḷukad kon i monia. Moiko in gombala-Ku mita in diábí nopandungmai kon domba mita tatua. Moiko in tongábí morai kon awakmu tontaní, deemanbí kopontingan in dombamu mita.

MATIUS 22:6

bo oyúon doman in nodomok kon bobantungnea mita bo pinogutú poḷat iḻimod.

LUKAS 12:44

Popirisaya; kon sia tua in baḻíonbí i tuangnea moḷoḷukad kon bayongan kapunyaannea.

LUKAS 12:46

bo ki tuang monia in mamangoi kon singgai andeka wakutu inta diá sinangka-sangka. Bo kinotambakanneamai aidnea natua, yo totokbí in bongkugonnea ná intau mita inta diá mosatia kon i Allah.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

YOHANES 2:10

bo noguman: “Biasamai intau in munabí mopoinum in anggur inta mopia totok, bo aka tamu mita mooropdon monginum, bain tua bo poḷuaiondon in anggur inta diá totok mopia. Táe ki utat in umuranbí notagú kon anggur mopia umaai in tanaa mako!”

OUMAN IN RASUL MITA 2:18

Ná doman tua in bobantung-Ku mita – ḷoḷaki bo bobay –, kon singgai mita tatua, ogoian-Ku in Roho-Ku. Sahingga mosia mopotaau in onu inta pinoguman-Ku kon i monia.

SURAT I PAULUS KON JAMAAT RUM 16:18

Sin intau mita inta momia kon natua, deemanbí mogaid sin kopontingan i Kristus inta Tuhan naton, táe tongábí motayak kon kasanangan in gina monia tontaní. Dondouḷug bo singog monia moaḷus inta kodongogan tua in tongábí pakéon monia monguboḷ kon intau mita inta diápa nonotaau in onu bo onu.

KORINTUS 2 11:20

Tongá pomayá mako monimu aka oyúon in intau mononggata kon i monimu, andeka momakisa moigum bo mogamá kon kauntungan kon i monimu, ande inta monganggap kon mosia in moḷantu-ḷantud nongkon i monimu sahingga in mobarani monokap kon i monimu.

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

TESALONIKA 1 5:7

Doḷom mosiug in mosia bo monginum doman dapot in moḷoḷangu.

PETRUS 2 2:13

Saḷaku tontuḻí in aid monia inta mongoromú tua, yo mosia in mokorasabí kon roriga. Aka kon i monia yo soaḷ mita inta mokosanang kon gina monia in mogaidbí kon onukabí kon wakutu in singgaipa sin mopoorop kon ibog in awak monia. Aka mosia ḻimitú moyotakin monimu kon rame bo mongaan moyotakin, yo oaid monia tua in mokobú lantaran mosia moḷoḷangu in ibog awak monia.

PETRUS 2 2:19

Mosia tua in mopodandi in kasaḷamatan kon intau ibanea, bokaka mosia tontaní ain nobaḻí ki ata in oaid mita inta diá mopia inta mokogoguyaat kon intau. Sin aka tobatú intau bo sinaḷowdon in tobatú kawasa dá sia in mobaḻí bidon ata in kawasa inta nokotaḷow kon inia tua.

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”

WAHYU 18:24

Babel ihukum sin kon bonu in kotá tatua kinokadapatandon dugú in nabi mita, dugú in umat i Allah, singogon mako kopoḷokon dugú in bayongan intau inta ain iḻimod kon dunia naa.