LUKAS 12:24 - Alkitab Singog In Mongondow Masa In Tanaa

²⁴ Tarukiraka in ḷagapan kawag! Mosia diábí nogambor bo diá doman nokoyut bo diá doman in ontag inta pototagúan monia kon kaanon. Táe umuranbí doman iḷukadan i Allah! Bambíkabí bo moiko. Moiko in noiḻiubí totok kon ḷagapan mita tatua!

LUKAS 12:24 Iomraidhean Croise

AYUB 35:11

bo inta nobogoi kon intau in raian noiḻiu kon ḷagapan mita bo biag kon dunia.

AYUB 38:41

Ki ine in motuḷung kon ḷagapan kawag inta gogoyon bo inta ḷumayug magí-mako motayak kon kaanon? Ki ine doman in motuḷung aka ki adínea mita momaḷú kon i-Nakó moigum kon kaanon?

MAZMUR 147:9

Sia in nopokaan kon bobiagon, bo kon adí in ḷagapan kawag inta kumarakmai mogoiní.

MATIUS 10:31

Manangka intua donaaibí in moiko moondok. Sin moikobí in momaha-mahaḷ in ḷagapan dui-duit mita tatua!”

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

MARKUS 6:26

Nokodongogmai kon oigum tatua, norobonoḷ in gina i Herodes. Táe musti tarimaannea intua sin nongibotdon in sia kon tayowon in mokokiangoinea.

LUKAS 12:18

Noonggotmai kon pinoraianneamai sia noguman nanaa, ‘Nokouḻídon kon daya in akuoi; rumbunonkudon in gudang tanaa bo buikudon aidan koḷobenon. Sinbá bayongan in gandum bo kapunyaanku ibanea modait moibonu kon tua.

LUKAS 12:23

Sin mobiagbí in moponti-ponting in kaanon andeka awakbí in moponti-ponting in ḷambung.

LUKAS 12:7

Nodapot in buok kon uḷumu, yo kinotaauan-Neabí in kobayongnea. Manangka intua yo dikabí moondok in moiko; sin moikobí in momaha-mahaḷ in ḷagapan mita tatua!”