LUKAS 12:19 - Alkitab Singog In Mongondow Masa In Tanaa

¹⁹ Onda intua pogumanku kon awakku tontaní; Nomujur totok in iko! Bayongan inta mopira komintan oyúon kon inimu bo kon taongannea intua mita diápabí modai-dait. Tuamai in pogogaidon in tanaa! Pongaan bo ponginumdon pakédon in kobiaganmu nion!’

LUKAS 12:19 Iomraidhean Croise

AYUB 14:1

Nongkon noitondedépamai intau tua in moyangkóbí, diá kodaya; mopoḷok in kobiagannea bo nopuḻing in roriga.

MAZMUR 49:18

Sin kon tungkuḷ in matoi sia in diábí mokopodia kon onu bo onu, kapunyaan in diábí moponag kon poḷoḷobongan takinnea.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

AMSAL 10:2

Kaoyúonan inta nouḻí pinongin tombogá diábí mobogoi in kauntungan; táe, gina motuḻid in mokosaḷamat.

AMSAL 14:24

Intau mobijaksana dinayow popisí in kabijaksanaannea, intau bodok ponango-nangoian popisí in kobobodoknea.

AMSAL 18:11

Táe intau nooyúon mosangka kon kaoyúonanneabí in moḷukad kon inia naonda bo dinding moḷantud bo moropot kon ḻibu in kotá.

AMSAL 23:5

Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

AMSAL 27:1

Dika tumakabur kon singgai ikoḷom, sin diábí kinotaauanmu onu in mobaḻí.

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

MOHOHUTUBA 2:24

Diábí in mopia-pia in kon intau koḻikudbí in mongaan, monginum bo mokaan kon onu in siniḷopíannea. Kinotaauanku doman kon tua in ki Allahbí in nobogoi.

YESAYA 22:13

Táe noyoḻiudon kon tua, moiko in nobarasanang bo norame. Moiko in noratá kon sapi bo domba, nokaan kon ponoyá bo nonginum kon tubig in anggur sindaḷan nomaḷú, “Koḻigai in kita mongaan bo monginum, sin ikoḷom matoi in kita!”

YESAYA 5:11

Moboditodon in moiko! Nongkon doḷo-doḷom nodapot in doḷom oaidanmu tongábí monginum kon oinumon inta mokoḷoḷangu bo moḷoḷangu.

YESAYA 5:8

Moboditodon in moiko inta motaḷui kon baḷoi mita bo kinotuo-tuotnea kon gobá mita sin podugang kon kapunyaanmu! Diádon moonggot modaitdon in tampat kon intau ibanea bo tongádon moiko in mogutun kon butá tatua.

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

HOSEA 12:8

Ki Tuhan in noguman kon bangusa in Israel, “Moiko in motombogá naonda bo intau in Kanaan; mododagangmu mita moibog monguboḷ kon mototaḷuinea pongin simbangan inta diá moitutui.

AMOS 6:13

Moiko in umambungangaḷ in moguman kon sinaḷowdon monimu in Lodebar. Moiko in noguman doman, “Tugatbí in ropot nami in mogagow kon Karnaim.”

HABAKUK 1:16

Onda intua ḷaḷa tatua in sinumba monia bo inogoian monia in sosumba kuruban, sin pinongin ḷaḷa tatua mosia in nokouḻídon kon rijiki nobayong totok bo nobaḻídon notomomon.

LUKAS 12:18

Noonggotmai kon pinoraianneamai sia noguman nanaa, ‘Nokouḻídon kon daya in akuoi; rumbunonkudon in gudang tanaa bo buikudon aidan koḷobenon. Sinbá bayongan in gandum bo kapunyaanku ibanea modait moibonu kon tua.

LUKAS 16:19

“Oyúon intau nooyúon inta umuran mogiḷambung in ḷambung inta totok in momahaḷ, bo pomuḷoi in singgai sia in umuran mokaan kon kaanon inta mongopia.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

KORINTUS 1 15:32

Aka tongá pongin raian in intau, yo onubí in kauntungan kon inakó in moberjuang totok naonda bo monayow kon mahaḷuk mita inta mongoromú kon kotá in Epesus tanaa? Aka totuu kon intau minatoi diá biagon bui, yo maníka dumudui in kita kon ná kain singog in intau nanaa: “Koḻigai mongaan bo monginum poḷat mobarasanang in kita sin ikoḷom in tatap matoibí doman.”

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.

TIMOTIUS 1 5:6

Táe aka tobatú boba-bobay inta totokpa in moibog in kasanangan in dunia naa yo mosia tua in sabanarnea minatoi bidon, umpaka awak monia tua in nobiagpa.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

TIMOTIUS 2 3:4

Mosia in diá mosatia, mododia bo mopoḷom-poḷok in raian. Mosia in tumon intau mopandoi bo ibogon monia in tongábí i monia in duduian, deemanbí dumudui kon ibog i Allah.

YAKOBUS 5:5

Moiko ain nobiag nooyúon totok bo kinorasaandon monimu in kasanangan dunia naa. Moiko in naondadon bo koyogot in mopoḷongó in awak sin ratáan kon singgai porataan.

PETRUS 1 4:3

Sin nobayongdon totok in wakutu inta pinaké monimu nogaid kon onu inta kinoibog in intau mita inta diá nonotaau kon i Tuhan. Diá mopia in kobobiag monimu. Moiko in dinumudui kon ibog in awak, monginum dapot in moḷoḷangu, umuran mogaid kon rame inta diá in baragunanea, monginum moyotakin bo mosumba kon berhala inta ilarang i Tuhan.

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’

SAMUEL 1 30:16

Bo inatodnea in mosia kon tampat in banselang mita tatua. Kon dodai intua banselang mita tatua noyotontaní kon bayongan in tampat tatua, yogot in nongaan, nonginum bo norame totok sin nobayong totok in barang inagow inta ain dinia monia nongkon butá in Pilistin bo Yohuda.