LUKAS 12:18 - Alkitab Singog In Mongondow Masa In Tanaa

¹⁸ Noonggotmai kon pinoraianneamai sia noguman nanaa, ‘Nokouḻídon kon daya in akuoi; rumbunonkudon in gudang tanaa bo buikudon aidan koḷobenon. Sinbá bayongan in gandum bo kapunyaanku ibanea modait moibonu kon tua.

LUKAS 12:18 Iomraidhean Croise

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

LUKAS 12:17

Intau tatua umuran morai kon bonu in gina, kainia, ‘Tampat potagúanku kon hasil in gobáku, diádon tugat. Naondapa degá in dayaku bá tugatan?’

LUKAS 12:19

Onda intua pogumanku kon awakku tontaní; Nomujur totok in iko! Bayongan inta mopira komintan oyúon kon inimu bo kon taongannea intua mita diápabí modai-dait. Tuamai in pogogaidon in tanaa! Pongaan bo ponginumdon pakédon in kobiaganmu nion!’

LUKAS 12:21

Natua in mobaḻí kon intau inta moibog mooyúon bo rinut. Mosia in diábí moramuji bá mooyúon kon tayowon i Allah.”

LUKAS 12:24

Tarukiraka in ḷagapan kawag! Mosia diábí nogambor bo diá doman nokoyut bo diá doman in ontag inta pototagúan monia kon kaanon. Táe umuranbí doman iḷukadan i Allah! Bambíkabí bo moiko. Moiko in noiḻiubí totok kon ḷagapan mita tatua!

LUKAS 18:4

Aindon kotongonu degá in bobay tatua in mayámai kon hakim tatua táe umuranbí doman doí motuḷung in hakim tatua kon inia. Táe pangabisannea hakim tatua in norai nanaa, ‘Umpakabí akuoi naa diá moondok kon i Allah bo diá doman mopandung kon tumpaḷa intau,

LUKAS 18:6

Bo ki Yesus in noguman doman kon i monia nanaa, “Tarukira onu inta siningog in hakim inta diá moondok kon i Allah tatua!

YAKOBUS 3:15

Kabijaksanaan natua in deemanbí nongkon soroga. Tua in nongkon duniabí, nongkon ibog in intau, bo nongkon dimbuḷó!

YAKOBUS 4:13

Utat mita inta nosingog: “Singgai naa ande ikoḷom kami in mayá in kotá i Kuon bo mogutun kon tua totaong in koonggotnea sin modagang bo motayak kon doit,” – indongogai in tongginaku tanaa.

YAKOBUS 4:15

Mustibí nanaa in singogon monimu: “Aka ogoi i Tuhan mobiag in kami dá mogaid in kami kon naa ande kon tua.”