LUKAS 12:16 - Alkitab Singog In Mongondow Masa In Tanaa

¹⁶ Nosingog mako kon natua, ki Yesus in nongonguman kon tobatú poumpamaan kon i monia, “Oyúon in tobatú intau inta nooyúon. Butá inta tonggobaanneamai umuran mobogoi in hasil mobarong.

LUKAS 12:16 Iomraidhean Croise

AYUB 12:6

Táe kobiagan in mogogagow diábí ginogondok; intau inta mokobaḻí monontot kon i Allah, mobiag motompia. Bokaka dewa inta pongata-ngata monia, tongábí ropot monia tontaní.

AYUB 24:23

Inogoian i Allah in sia in kobiagan motompia, táe umuran iḷukadannea mako.

MAZMUR 73:12

Natuata in kaadaan in intau moraat; kobobiagnea in moodom, kapunyaannea in tantú modugang.

MAZMUR 73:3

sin mointoi in akuoi kon intau inta mododia, kon dodai in akuoi mokoontong kon kauntungan in intau moraat.

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.

MATIUS 13:8

Táe oyúon doman in noḷabú kon butá inta nopia bo sia in nomungai; oyúon mogatut noguntuḷ, oyúon in onom nopuḷú noguntuḷ, oyúon doman in toḷu nopuḷú noguntuḷ in bungainea.”

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

LUKAS 12:17

Intau tatua umuran morai kon bonu in gina, kainia, ‘Tampat potagúanku kon hasil in gobáku, diádon tugat. Naondapa degá in dayaku bá tugatan?’

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”