LUKAS 11:9 - Alkitab Singog In Mongondow Masa In Tanaa

⁹ Manangka intua Akuoi in moguman kon i monimu: Poigumdon, dá ogoianbí in moiko; potayakdon dá mokouḻíbí in moiko; Ponangkokódon dá pobukatanbí kon ḷoḻingkop in moiko.

LUKAS 11:9 Iomraidhean Croise

MAZMUR 118:5

Kon bonu in rorigaku akuoi in nokuani kon i Tuhan; bo sinubagan-Nea poḷat pinoḷuat-Nea in akuoi.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 27:8

Iko in noguman, “Angoidon posumba kon i-Nakó.” Sinubagan-Ku, “Akuoi in ḷagidon mamangoi, o Tuhan;

MAZMUR 34:10

Horomatdon in ki Tuhan, ei moiko umat-Nea, sin intau inta mopirisaya in diábí kodaitan.

MAZMUR 34:4

Poḷantudon in ki Tuhan takinku, igai moyotakin mopomulia kon tangoi-Nea.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

DONDONG MOḶANTUD 5:6

Binukatanku in ḷoḻingkop sin tuotan in batoḷ in dodobku, táe nomurowdon in sia bo minayá. Mokotanob totok in akuoi mokidongog kon singognea; sinayakku in sia, táe diá nouḻíku. Kinuukku in tangoinea, táe diá sinumubag in sia.

YESAYA 45:19

Akuoi in diábí tongá umuni-uni in mosingog, andeka tongá bunion kon intau ibanea. Akuoi in diábí nopotabá kon umat-Ku Israel motayak kon i-Nakó takin diá in mangaḻenea. Akuoi, ki Tuhan, mosingog kon inta banar, bo mopotaau kon onu inta totuu.”

YEREMIA 29:12

Dá moiko in mokituḷungbí kon i-Nakó. Moiko in mamangoibí mosambayang kon i-Nakó, bo tubagan-Kubí in sambayangmu.

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

DANIEL 9:3

Bo nosambayangdon totu-totuu in akuoi kon i Tuhan Allah, bo nopoigum in totabi-Nea. Akuoi in nopuasa bo nogiḷambung in ḷambung karong bo iḻimitú kon tudu in ḷobud.

MATIUS 21:22

Bo onu kabí in poigumon monimu kon bonu in sambayang takin mopirisaya totok, yo moiko in motarimabí kon onu inta inigummu.”

MATIUS 21:31

Yo ki ine in kon sigad nayadua tua in nogaid kon inta kinoibog i amánea?” Tubag monia, “Inta guya-guyang.” “Poguman-Ku kon i monimu: Intau inta mononagi kon pajak bo bobay mita inta sundaḷ in moiuna kon i monimu tumuot mobaḻí anggota in umat i Allah. “Inta induanea,” tubag in imang mita tongguḷunea bo itoi mita in Yahudi tatua.

MATIUS 6:29

táe poguman-Kudon kon i monimu ki Salomo in nobiag nooyúon totok táe diábí kon dodai onda in nogiḷambung ná kogaga in bungang mita tatua!

MARKUS 11:24

Manangka intua yo torop in naa: Aka moiko mosambayang bo oyúon in igumon, yo popirisayabí kon inogoibí i Allah kon inimu onu inigum monimu tua, dá tarimaanbí monimu intua.

MARKUS 13:37

Onu in poguman-Ku kon i monimu tanaa, poguman-Ku doman kon bayongan intau: umuran kiḷuka-ḷukadmai!”

LUKAS 11:10

Sin pomuḷoi in intau inta moigum in motarimabí, bo intau inta motayak in mokouḻíbí, bo intau inta monangkokó in pobukatanbí kon ḷoḻingkop.

YOHANES 14:13

Bo onukabí in poigumon monimu podoyon kon tangoi-Ku, aidan-Kubí intua kon i monimu, sinbá ki Amá in pomuliaan pongin i Adí.

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

YOHANES 15:7

Aka moiko bo umuran motobatú takin-Ku bo totundú-Ku in umuran popotonop mako monimu kon gina, yo poigumdon kon i Amá kon onukabí in koibog monimu; dá onu in pinoigummu tua in ogoi-Neabí.

YOHANES 4:10

Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

SURAT I PAULUS KON JAMAAT RUM 2:7

Bo ki Allah in mobogoibí in kobiagan mopia bo mononoi kon i monia inta umuran mogaid kon inta mopia, kon i monia inta motayak kon inta momulia, inta motayak kon kahoromatan bo inta motayak kon inta mononoi.

KORINTUS 2 6:2

Sin ki Allah ain noguman nanaa, “Kon wakutu inta kinoibog-Ku, Akuoi in nongindongogdon kon i monimu, bo kon singgai in akuoi moposaḷamat, Akuoi in motuḷung kon inimu.” Pokotorop kopia, masa in tanaa ain bidon wakutu inta kinoibog-Ku tua, bo tanaa bidon mako in singgai poposaḷamatan tatua!

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

YAKOBUS 5:15

Aka sambayang monia pinoyaput takin noyakin, yo undamanbí i Tuhan in intau inta notakit tatua, bo ampungan-Nea doman in dosa mita inta ain inaidannea.

YOHANES 1 3:22

Bo onu in igumon naton kon i-Nia, tarimaanbí naton, sin kita in umuran dinumudui kon parenta-Nea mita bo nogaid kon onu inta mokosanang kon gina-Nea.

WAHYU 2:24

Táe moiko inta ibanea mako kon Tiatira inta diá dinumudui kon totundú inta moraat tatua, bo diá doman nobalajar kon pongotahuan mita in Ibilis, naa in poguman-Ku, diábí dugangan-Ku insibuḷan in tanggungan monimu.