LUKAS 11:53 - Alkitab Singog In Mongondow Masa In Tanaa

⁵³ Bo naonda in ki Yesus nonaḷámai kon tampat tatua, intau mita in Parisi bo mototundú mita kon agama sinumorú totok. Mosia umuran monaridi mako kon i-Nia bo kopia mopoḻibó-ḻibó kon yagi-yagi.

LUKAS 11:53 Iomraidhean Croise

YESAYA 9:12

Bangusa in Israel diápa doman nomanasaḷ, umpakabí ain ihukum i Tuhan Inta Totok in mokawasa; mosia in diápa doman in tobat kon i-Nia.

YEREMIA 18:18

Intau in moguman, “Igai moyopopog in kita moḷawang kon i Yeremia. Deemanbí tongá sia in motaau mosingog kon i Allah. Umuranbí oyúon in imang inta motaau mobogoi in topotundú, oyúon in intau mobijaksana in motaau mobogoi in tonggina; bo oyúon in nabi in motaau mopotaau kon i naton in koyow mita nongkon i Allah. Igai pongaduon naton in sia kon pongadilan bo diádon mokidongog kon tosingogonnea mita.”

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

LUKAS 11:52

Koboditodon in moiko mototundú mita kon agama! Sin kokunsi pobuká kon pongotahuan sinagúdon kon i monimu, táe moiko tontaní in diá moibog tumuot kon bonunea sin motayak kon pongotahuan tatua. Nodapot in moiko in tongábí mobaḻí ḷonggai kon intau mita inta moramuji tumuot kon bonunea!”

LUKAS 11:54

Ḷoḻibó monia tua in tongábí potayakan monia kon taḷá i Yesus, sinbá oyúon in baḻíon monia dodoyonan podomokan kon i-Nia.

LUKAS 20:20

Mototundú mita kon agama bo imang mita itoi umuran monaridi mako kon i Yesus. Kon tua mosia in nonondan kon tobatú intau inta mayá kon i Yesus bo ki ubo-uboḷmai ná intau mopia. Mosia in nokiḻibó in soaḷ inta inanggap monia motaau kouḻían monia kon taḷá i Yesus, sahingga oyúondon in baḻíon monia dodoyonan podomokan kon i-Nia bo posarakan kon i gubernur.

LUKAS 20:27

Tongonumai intau in Saduki namangoi kon i Yesus. (Mosia naa in kolompó intau inta moguman kon intau minatoi in diábí mobiag bui.) Mosia in noḻibó kon i Yesus,

OUMAN IN RASUL MITA 26:9

Koḻipod akuoi in totokbí doman in diá mopirisaya kon ouman soaḷ ki Yesus intau in Nazaret tatua.

KORINTUS 1 13:5

Sia in diábí mogaid kon inta diá mopia bo diábí doman motayak kon kauntungan tontaní. Sia in diábí morogi bo diábí doman moibog motagú kon gina kon intau.

KORINTUS 2 8:6

Tuamai kami in umuran moguman kon i Titus – inta ain nomangkoi kon oaidan tanaa – sinbá ingguputannea in oaidan mopia tanaa kon sigad monimu doman.