LUKAS 11:50 - Alkitab Singog In Mongondow Masa In Tanaa

⁵⁰ Tua inaidan i Allah sinbá intau mita masa naa hukumon sin pinoḻimodan inta inaidan kon bayongan in nabi nongkon wakutupa in dunia naa inaidan,

LUKAS 11:50 Iomraidhean Croise

KINOBAḺIAN 4:2

Bo ki Hawa in bui nopononggadí in adí ḷoḷaki tobatú, tangoinea in ki Habel. Ki Habel in nobaḻí gombala in domba, táe ki Kain nobaḻí monononggobá.

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

MAZMUR 9:12

Dayowdon in ki Tuhan inta nomarenta kon Sion! Oumandon in onu inta pinomia-Nea kon bangusa mita!

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

YESAYA 26:21

Ki Tuhan in moponagbí nongkon tampat-Nea kon soroga sin mohukum kon intau kon dunia sin dosa monia. Pinoḻimodan inta inaidan monia inumado-adop in poniatabí. Butá in diábí momumbun kon intau mita inta minatoi iḻimod.

YEREMIA 51:56

Mosia in mamangoi sin momoguyaat kon Babel, modomok kon tontaranea mita bo momutoḷ kon pakakat mita in parang monia. Akuoibí in Tuhan inta mohukum kon aid moraat, bo Babel in tuḻían-Kubí podudui in aidnea.

YEREMIA 7:29

Ki Tuhan in noguman, “Uḻe intau in Yerusalem, pononogumatoidon! Pongkódon in buokmu bo ḷumbúdon! Podondongdon in dondong oamui kon tudu mita in buḷud, sin Akuoi, ki Tuhan, koyogot in sinumorú bo ain nondoí kon i monimu komintan.

PINOGIAPAN 35:33

Aka aidan monimu in natua, yo moiko in nokoporomúdon kon butá inta pinogutunan monimu. Poḻimodan mokoporomú kon butá; dá diábí in aid ibanea mondarit in butá tatua koḻikudbí in monginggamá kon kobiagan in intau inta noḻimod tatua.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.