LUKAS 11:48 - Alkitab Singog In Mongondow Masa In Tanaa

⁴⁸ Bá kotaauan monimu, oaid monimu tatua, noginsilangbí kon intau, kon moiko in nosotuju kon onu inta inaidan in mogoguyang monimu; sin mogoguyang monimu in noḻimod kon nabi mita tatua bo moiko in nogaid kon poḷoḷobongan monia.

LUKAS 11:48 Iomraidhean Croise

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

AYUB 15:6

Diá bidon paraḷu in iko poponapudanku bo potaḷáan, sin pinongin tosingogonmu tontaní iko in pinongadu.

MAZMUR 64:8

Táe ki Allah in nopopiotbí in piot-Nea kon i monia, bo indoianmai notompaḻí in mosia.

YEHEZKIEL 18:19

Táe oyúon degá in moḻibó mongo nongonu sin adí tatua in diábí moitakin mobaba kon bungai in dosa mita i amánea. Naa in tubagnea: popisí in adí tatua mopia bo mojujur. Sia in motoḷutui kon hukum-Ku mita bo motoindudui in pogogaidnea, tuamai in umuran nobiag in sia.

MATIUS 23:27

Koboditodon in moiko, ei mototundú mita kon agama in Yahudi bo intau mita in Parisi! Ei intau mita inta mongomunapik! Moiko in naonda bo poḷoḷobongan inta cinet nobudó; kon dotá in ḷuainea ontongan mopira bo modarit, táe kon bonunea nopuḻing in tuḷan bo noyagi-yagimai in kotoran.

MATIUS 23:31

Táe diábí kinotaauan monimu kon oaid monimu tatua in sabanarnea noginsilangbí kon i monimu tontaní, kon moiko in buíbí in moḷoḻimod kon nabi mita tatua!

LUKAS 11:47

Koboditodon in moiko! Sin moiko in nogaid kon poḷoḷobongan in nabi mita, inta sinokoḻimod in mogoguyang monimu.

LUKAS 11:49

Tuamai hikmat i Allah in noguman nanaa, ‘Akuoi mopotabá in nabi mita bo rasul mamangoi kon i monimu; ibanea in ḻimodon bo ibanea doman in pogutúon!’

SURAT I PAULUS KON JAMAAT RUM 1:32

Kinotaauanbí monia, kon podudui in hukum i Allah, intau inta mogaid kon bayongan tua in patusbí hukumon modapot matoi. Táe umpakabí natua yo aidanbí doman monia intua komintan; bo nodapotbí in aka intau ibanea in momia kon soaḷ mita ná inta inaidan monia tua yo mosatujubí doman i mosia.

YAKOBUS 5:10

Utat mita, toropdon in nabi mita inta nosingog pinodoyon kon tangoi i Tuhan. Mosia in nosabar bo notaba in kinoantugan in yoyiga. Dá baḻídon in mosia saḷaku contoh.

YOSUA 24:22

Bo ki Yosua noguman, “Moikodon tontaní in nobaḻí sakusinea kon moiko ain nonimpod kon tosingogon kon tongábí mogundoi kon i Tuhan.” “Totuu,” tubag monia, “kamidon tontaní in sakusinea.”