LUKAS 11:40 - Alkitab Singog In Mongondow Masa In Tanaa

⁴⁰ Nongo bodok in moiko! Diábí degá kotaauan monimu kon ki Allah inta nogaid kon dotá in ḷuainea, Siabí doman tuata inta nogaid kon dotá in bonunea?

LUKAS 11:40 Iomraidhean Croise

KINOBAḺIAN 1:26

Onda intua ki Allah in noguman, “Tanaa kita in momia kon intau potombatangan in gambar bo pogot naton. Mosia in mongawasa kon toyá mita, ḷagapan mita bo bayongan mahaḷuk pinomayá moyonok ande kaḻig, pinomayá moḷoben ande mointok.”

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

MAZMUR 14:1

Kon i itoi in mododondong. Mazmur i Daud. Intau dondunguḷ in mosingog kon bonu in gina, “Diábí in ki Allah.” Aid monia in moraat bo moḻingá diá in mogaid kon inta mopia.

MAZMUR 33:15

Siabí inta nomia kon gina monia, bo nonotaau kon bayongan in oaid monia.

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

AMSAL 8:5

Moiko inta diápa kopongalaman, pobalajar kon raian inta mopandoi; moiko inta moraat, pobalajardon momangaḻe.

YEREMIA 5:21

“Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

ZAKHARIA 12:1

Naa in koyow i Tuhan soaḷ Yerusalem. Ki tuhan inta nomukat kon ḷangit, nomaḻí kon dunia naa bo nobogoi in kobiagan kon intau, in noguman,

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

MATIUS 23:17

Ei moiko intau mita pompuḷong bo intau mita bilog! Onu degá in moponti-ponting: buḷawan, andeka Baḷoi Tuhan inta nokokudus kon buḷawan tatua?

MATIUS 23:26

Ei intau mita in Parisi inta bilog! Yuyúaipa muna in bonu in pongonginuman tatua, dá kon dotá in ḷuainea modaritbí doman!

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

LUKAS 24:25

Bo ki Yesus in noguman kon i monia, “Moiko nion in totuubí kon bodok! Moḷaḷoi totok in pororai monimu kon onu inta ain pinoguman in nabi mita!

KORINTUS 1 15:36

Ei intau bodok! Aka iko bo mopomuḷa in batoḷ kon bonu in butá, yo batoḷ tatua in diábí mobiag aka diá matoi muna.

IBRANI 12:9

Kon dunia naa oyúonbí in ki amá naton. Sia in motundú kon i naton, táe horomatonbí naton in sia. Yo bambíkabí bo ki Amá naton kon soroga, tantú mustibí in kita tumonsiup kon i-Nia sinbá mobiag in kita.