LUKAS 11:36 - Alkitab Singog In Mongondow Masa In Tanaa

³⁶ Aka awakmu bo mobayag komintan, diábí tobatúmai in mosindip, bo mobayagbí doman komintan in awakmu, naonda bo sindar in togá nonimbayag kon inimu.”

LUKAS 11:36 Iomraidhean Croise

AMSAL 1:5

Pongin tonggina mita tanaa intau mobijaksana in modugang doman in totaaunea, bo intau inta ain notaau in kapiton doman.

AMSAL 20:27

Gina in intau in nobaḻí bayag nongkon i Tuhan inta monimbayag kon bayongan in bonunea.

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

HOSEA 6:3

Tuamai in koḻigai in kita moḷongasi totu-totuu monotaau kon i Tuhan. Sia in notantúbí kon mamangoi kon i naton naonda bo koangoi in bayag doḷo-doḷom, bo naonda bo uyan inta nomuntad kon butá kon imbuit in pongonguyan.”

MATIUS 13:52

Dá ki Yesus in noguman kon i monia, “Pomuḷoi in intau inta monotaau totok kon atorang i Musa bo notarima kon totundú kon naonda in ki Allah momarenta tua, yo sia in naonda bo ki togi baḷoi inta nopoḷuai in pakakatnea nobagu bo inta nokoyongan nongkon tampat inta pinotagúannea.”

MATIUS 5:15

Apa doman diábí intau inta mopoyongkit mako in togá bo tungkubannea in belek, yo tantú tuduonneabí kon tampat pototuduan kon togá dá mokosimbayag kon bayongan intau inta kon bonu in baḷoi tatua.

LUKAS 11:35

Tuamai umuran mokopopia sinbá bayag inta kon inimu diá mobaḻí mosindip.

LUKAS 11:37

Naonda in ki Yesus nopaḷutdon nobogoi in totundú, intau in Parisi tobatú namangoi nogoiní kon i-Nia mayá mongaan kon baḷoinea. Dá ki Yesus in minayá doman bo nongaan.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

EPESUS 4:14

Dá kita in diábí naonda bo mongoadí mita inta pinoyaying magí-mako in noyagi-yagimai in totundú in intau mita inta mongomunapik. Mosia tua in mongonguman kon diá totuu sin mopotaḷá kon onu inta noitutui.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.

YAKOBUS 1:25

Hukum i Allah tua in nosompurna bo moḷoben in kawasa-Nea moposaḷamat kon intau. Táe intau inta momirikisa bo monarukira kinopira poḷat nopoaid doman, deeman tongá inindongogan mako bo ḻiongon, yo intau natua in barakatanbí i Allah in bayongan oaidannea.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus