LUKAS 11:32 - Alkitab Singog In Mongondow Masa In Tanaa

³² Kon Singgai Tumi, intau mita in Niniwe mobiagdon bui moyotakin in intau mita masai naa bo mosia in mohukum doman kon i monia. Sin intau mita in Niniwe noibog nogogai in nogaid kon inta moraat kon wakutu in mosia nokodongog kon onu inta pinoguman i Nabi Yunus kon i monia. Táe kon naa, tanaa mako oyúon inta mokawa-kawasa nongkon i Nabi Yunus!”

LUKAS 11:32 Iomraidhean Croise

YUNUS 3:4

Ki Yunus in sinumuot kon kotá tatua bo naonda in minayá nouput in singgai tatua, nomangkoidon in sia nopoyaput in koyow, kainia, “Opatpa nopuḷú nosinggai, bo morimumud in Niniwe!”

YUNUS 3:5

Intau mita in Niniwe nopirisaya kon koyow i Allah tatua. Bayongan in rayat nonantúdon kon mopuasadon, bo bayongan in intau, pinomayá moḷoben andeka mointok, nomaké in kaeng karong sin moponiata kon mosia in nomanasaḷdon kon dosa mita monia.

YUNUS 4:9

Táe ki Allah in noguman kon inia, “Diábí patus moajar in ginamu námai tua tongá popisí in pinomuḷa tatua!” Tubag i Yunus, “Eta Nongonu sin diá? Patusbí in akuoi tumorú totok modapot in matoi.”

MATIUS 12:39

Táe ki Yesus notubag kon i monia, “Intau masa in naa in moraatbí bo inta doí dumudui kon onu inta ain pinoguman, mosia in moibog monuntut kon tanda. Táe mosia in diábí ogoian koḻikudbí in tanda i Nabi Yunus.

MATIUS 12:41

Kon singgai pohakiman, intau mita in Niniwe morobangon bo moyotakin in intau mita masa in naa mohukum kon i monia. Sin intau mita in Niniwe naonda in nokodongog kon inta pinoyaput i Yunus, mosia in nogogai in nogaid kon dosa mita. Bo tanaa inta sinimindog mako noiḻiubí kon i Yunus!

LUKAS 11:31

Kon Singgai Pohakiman, Ratu nongkon Toḷatan mobangon moyotakin in intau mita masa naa bo mohakim kon i monia. Sin Ratu tanaa in namangoi nongkon popod in dunia sin mokidongog kon totundú i Salomo. Táe kon naa tanaa mako oyúon in noiḻiu kon kopopandoi i Salomo!

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.