LUKAS 11:29 - Alkitab Singog In Mongondow Masa In Tanaa

²⁹ Kon yuak in intau mobayong tatua ki Yesus nogingguput kon sirita-Nea, nanaa, “Moraat totok intau masa in tanaa. Mosia mopoigum bá Akuoi in mogaid kon inta mokoherang sinbá mopirisaya in mosia. Táe mosia in diábí ogoian in tobatúmai, koḻikudbí in tanda kon i Nabi Yunus.

LUKAS 11:29 Iomraidhean Croise

YEHEZKIEL 24:24

Dá akuoi, ki Yehezkiel in mobaḻí sonto kon inimu; moiko in mogaidbí kon ná inta inaidanku tanaa. Ki Tuhan in noguman kon aka tua bo mobaḻí, yo kotaauandon monimu kon Sia tuata in ki Tuhan Inta Totok in moḷantud.”

YUNUS 1:1

Kon singgai tobatú, ki Tuhan in noguman kon i Yunus, ki adí i Amitai.

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

MARKUS 8:38

Sin ki inekabí in mooyá popisí Akuoi bo popisí in singog-Ku kon yua-yuak in intau mita inta diá mosatia bo binaradosa naa, yo ki Adí intau mooyá doman popisí in intau tatua aka Sia mamangoidon bui kon bonu in kamuliaan i Amá-Nea takin malaekat mita mokudus.”

LUKAS 11:16

Oyúon doman kon sigad monia tua in moigum kon tanda nongkon soroga saḷaku bukti kon Sia in nongkon i Allah. Mosia tua in monungkuḷ kon i-Nia.

LUKAS 11:50

Tua inaidan i Allah sinbá intau mita masa naa hukumon sin pinoḻimodan inta inaidan kon bayongan in nabi nongkon wakutupa in dunia naa inaidan,

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

LUKAS 9:41

Dá ki Yesus sinumorú kon murí-Nea mita kai-Nia, “Moiko nion intau mita inta moibog momaḷawang bo diá mopirisaya! Komangoipa degá in onda Akuoi musti umuran moyotakin monimu bo mosabar in moindoi kon oaid mita monimu? Dia mangoi in adí tanion!”

YOHANES 2:18

Tongá itoi mita in Yahudi moḷawang kon i-Nia, mosia in noguman kon i Yesus, “Onu in motaau poontong-Mu kon inami saḷaku tanda kon oyúon in hak-Mu in mogaid kon ná tanaa.”

YOHANES 6:30

Dá kai monia doman, “Aka natua, onu in tanda poontong i Pak Guru kon inami, sinbá kami in mokoontong bo mopirisaya kon i Pak Guru? Onu in aidan i Pak Guru?

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

KORINTUS 1 1:22

Intau mita in Yahudi mopoigum in aid mita inta mokoherang saḷaku bukti, bo intau in Yunani mopoontong in kapandoian monia.