LUKAS 11:22 - Alkitab Singog In Mongondow Masa In Tanaa

²² Táe aka oyúon in moiḻiu in ropot kon inia in mamangoi monubu bo monaḷow kon inia, dá daitonbí agowon in intau moropot tatua in bayongan pakakatnea inta mobaḻí kinodoyonan in ropotnea poḷukad kon baḷoinea. Onda intua daitonnea bo sila-silaion mako in barang in intau inta pinogagowannea tatua.

LUKAS 11:22 Iomraidhean Croise

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

IḶUAIAN 15:9

Musung noguman, ‘Mosia in aḷowanku bo domokon, rabutonku in pitow, bo rataanku in mosia. Bo bayongan kaoyúonan monia agowonku, sila-silaionku bo pakéonku modapot in moorop.’

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

LUKAS 11:21

Aka intau moropot bo notouḷut domandon in pakakatnea sin poḷukadnea kon baḷoinea tontaní, yo komintan kapunyaannea in mosaḷamatbí.

LUKAS 11:23

Intau inta umuran momaḷawang kon i-Nakó, mosaturu kon i-Nakó. Bo intau inta doí moduḷu mogaid kon oaidan-Ku, sia tua in momoguyaat kon oaidan-Ku!”

EPESUS 6:11

Bo paké domandon in touḷut in parang inta inogoi i Allah kon i monimu, sinbá moiko in mokotahang in monayow kon bayongan akaḷ in Ibilis inta diá mopia.

EPESUS 6:13

Manangka intua, tanaa, pakédon touḷut in parang nongkon i Allah sinbá kon singgai moraat naa, moiko in mokosanggup monayow aka tubuon in saturu mita. Bo bá naonda in moiko moparang dapot in mopaḷut, yo umuranpa motorindog bo moropot in moiko.

KOLOSE 2:15

Kon kayu pinoyotaḻempang tatuata pinomia i Kristus in bayongan roho inta nomarenta bo inta nongawasa diádon nokopongonu bui. Mosia in pinomiadon tontonan in bayongan intau kon wakutu in diaan i Kristus in mosia saḷaku intau inta sinokodakop kon pinoramean in kinountungan-Nea.

YOHANES 1 3:8

Táe intau inta umuran mogaid kon dosa, mosia tua in ki adí mita in Ibilis, sin Ibilis tua in nongkon pinomangkoianpabímai umuran nogaid kon dosa. Tuabí in mangaḻe inangoian i Adí Allah, Sia in morimumud kon oaidan mita in Ibilis.

YOHANES 1 4:4

Táe uḻe, moiko nion ki Allahbí in kitogi. Sinaḷowdon monimu in intau mita inta deeman totuu nabi, sin Rohobí inta nongawasa kon i monimu in mokawa-kawasa nongkon roho mita inta nongawasa kon intau mita inta nobaḻí kapunyaan in dunia naa.