LUKAS 11:21 - Alkitab Singog In Mongondow Masa In Tanaa

²¹ Aka intau moropot bo notouḷut domandon in pakakatnea sin poḷukadnea kon baḷoinea tontaní, yo komintan kapunyaannea in mosaḷamatbí.

LUKAS 11:21 Iomraidhean Croise

YESAYA 49:24

Moiko in moḻibó, “Umpaka yo inta nouḻí kon parang in agowon kon ḻima in pahlawan, andeka inta dinakop agowon nongkon ḻima in intau moromú?”

MATIUS 12:29

Naondabí in intau mokotuot kon baḷoi in tobatú intau moropot bo mogagow kon kapunyaannea, aka diá munanea togoton in intau moropot tatua? Tantú bambí mopaḷut mako togotonnea in intau moropot tatua bodongka kotuotannea in baḷoi tatua bo mogagow kon kapunyaannea.

MARKUS 3:27

Diábí doman tobatúmai intau in mokotuot kon bonu in baḷoi intau moropot bo mogagow kon kapunyaan in intau moropot tatua, aka diáneapa muna togoton in intau moropot tatua. Tantú munaneapabí togoton bodongka kogamaannea in kapunyaan in intau moropot tatua.

LUKAS 11:20

Akuoi naa in noguntun kon dimukud moraat takin kawasa i Allah. Tua in mangaḻenea kon ki Allah in nomangkoidon nomarenta kon yua-yuak monimu.

LUKAS 11:22

Táe aka oyúon in moiḻiu in ropot kon inia in mamangoi monubu bo monaḷow kon inia, dá daitonbí agowon in intau moropot tatua in bayongan pakakatnea inta mobaḻí kinodoyonan in ropotnea poḷukad kon baḷoinea. Onda intua daitonnea bo sila-silaion mako in barang in intau inta pinogagowannea tatua.