LUKAS 11:13 - Alkitab Singog In Mongondow Masa In Tanaa

¹³ Dá aka moiko inta moraat bo motaau mobogoi kon inta mopia kon i adímu mita, yo bambíkabí ki Amámu inta kon soroga! Sia in mobogoibí in Roho-Nea kon i monia inta umuran moigum kon i-Nia!”

LUKAS 11:13 Iomraidhean Croise

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

AMSAL 1:23

Indongogai in akuoi aka monoboḷow kon inimu, sinbá poniataku kon inimu onu inta kon bonu in ginaku bo tundúonku onu inta sinotaauku.

YESAYA 49:15

Ki Tuhan in notubag, kai-Nia, “Degá iná tobatú mokoḻiong kon i adínea, bo diá motabi kon i adínea inoyod? Umpaka in sia mokoḻiong, Akuoi in diábí mokoḻiong kon inimu!

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

YOËL 2:28

“Kon singgai moiduduimai bayongan in intau in ogoian-Kudon in roho-Ku. Dá ki adímu ḷoḷaki bo bobay in mopotaaudon in koyow-Ku mita; intau mita inta noguyangdon mita kon yuakmu in tumogoindopdon oontongon in ogoidon kon tayowmobiag bo mongodeaga.

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

MATIUS 6:14

Aka moiko bo moibog mongampung kon taḷá in intau, yo ki Amá monimu inta kon soroga in mongampungbí doman kon taḷámu.

MATIUS 6:30

Dá aka ki Allah bo nobogoi kon inta mopia kon bungang mita inta singgai naa oyúon bo ikoḷom in tubáan. Yo tantú moikobí in kotabi-tabi-Nea! Táe moiko in diá totok mopirisaya!

MATIUS 6:32

Tua komintan tayakon doman in intau mita inta diá mopirisaya kon i Allah. Bo kinotaauanbí doman i Allah kon paraḷuonbí doman monimu intua komintan.

MATIUS 7:11

Dá aka moiko inta moraat bo motaau mobogoi, kon inta mopia kon i adímu mita. Yo bambíkabí ki Amámu kon soroga! Sia in moiḻiubí kon tua, ogoian-Neabí inta mopia totok in ki ine inta moigum kon i-Nia.”

LUKAS 11:12

Andeka aka ki adínea moigum kon natu yo ogoiannea in uḻipan?

LUKAS 11:2

Dá kai Yesus doman, “Aka moiko bo mosambayang yo singogdon nanaa, ‘Amá, Tongábí Iko in ki Allah. Poigumon mako Iko in sumbaan bo horomaton. Ikobí in Datu nami. Poigumon mako Iko momarenta kon dunia.

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

YOHANES 4:10

Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

OUMAN IN RASUL MITA 2:38

Ki Petrus in noguman kon i monia nanaa, “Pogogaidon in mogaid kon dosa in moiko bo pokibaptisdon kon bonu in tangoi i Yesus Kristus sinbá modait ampungan in dosa. Bo moiko in motarima kon Roho i Allah.

SURAT I PAULUS KON JAMAAT RUM 5:17

Popisí in taḷá in intau tobatú dá bayongan in intau kinawasa domandon in popatoi inta nongin intau tobatú tua. Táe moiḻiubí domandon nongkon tua in akibat nongkon onu inaidan in intau tobatú ibanea, tuata in ki Kristus. Pinongin i-Nia tua, ki Allah in nobogoi in totabi-Nea inta totok in moḷoben kon intau mobayong, bo tongábí pinonotabi-Nea kon i monia, sahingga in mosia in noyodamedon bui takin i Allah; mosia in mongawasa kon dunia naa pinongin i Kristus.

SURAT I PAULUS KON JAMAAT RUM 7:18

Kinotaauanku bidon, kon bonu in awakku naa, diábí in tobatúmai in mopia, tuabí in tabiat saḷaku intau ilo-ilow. Sin oyúonbí in ibog kon inakó in mogaid kon inta mopia táe diá mokosanggup in akuoi in mogaid kon natua.

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.