LUKAS 10:9 - Alkitab Singog In Mongondow Masa In Tanaa

⁹ Tuḷungai bo undamai in intau mita inta notakit kon kotá tatua bo poguman kon intau mita kon tua, ‘Ki Allah in mamangoidon momarenta saḷaku Datu kon yua-yuak monimu.’

LUKAS 10:9 Iomraidhean Croise

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

MATIUS 3:2

“Pogogaidon mogaid kon dosamu mita, sin diádon moonggot bo mamangoi in ki Allah momarenta saḷaku Datu!”

MATIUS 4:17

Mulai kon wakutu intua ki Yesus in noguman, “Pogogaidon in mogaid kon dosamu mita, sin ki Allah in mamangoidon momarenta saḷaku Datu!”

MARKUS 4:30

Ki Yesus bui noḻibó, “Aka ki Allah momarenta saḷaku Datu, yo onu in motaau potongkaian naton kon onu? Onu in contoh inta motaau baḻíon naton dodoyonan poginsilangan kon tua?

MARKUS 6:13

Murí mita i Yesus tatua in noguntun kon mobayong in dimukud moraat, mosia nopoḻepo in ḷana Zaitun kon intau motakit bo nopia doman in intau mototakit tua.

LUKAS 10:10

Táe aka moiko bo mamangoi in tobatú kotá bo doí in intau kon tua motarima kon i monimu, yo bayá in doḷaag bo singog nanaa,

LUKAS 10:11

‘Umpaka ḷobud in kotámu naa inta nongoikompit kon sioḷ nami, daiton doman nami topiran saḷaku tompoingat kon i monimu. Táe bá kotaauan monimu kon diá bidon moonggot in ki Allah mamangoi momarenta saḷaku Datu kon yua-yuak monimu!’

LUKAS 9:2

Onda intua nopotabá kon i monia minayá nopotaa-taau mako in Habar Mopia kon naonda in ki Allah mamangoi momarenta saḷaku Datu poḷat mongundam kon intau mita inta notakit.

YOHANES 3:3

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

YOHANES 3:5

Ki Yesus in notubag, “Totuubí in singog-Ku tanaa: aka intau bo diá polahiron nongkon tubig bo nongkon Roho i Allah, yo intau tatua in diábí motaau in mobaḻí umat i Allah.

OUMAN IN RASUL MITA 28:28

Pangabisannea ki Paulus in nosingog, “Tuamai in musti kotaauan monimu, kon habar kasaḷamatan inta nongkon i Allah tanaa aindon pinoyaput kon intau mita inta deeman Yahudi, bo mosia in noibogbí nokidongog kon tua!” [

OUMAN IN RASUL MITA 28:31

Bo taran-tarangan doman in sia in nopotaau in Habar Mopia kon naonda in ki Allah momarenta saḷaku Datu bo moginsilang kon soaḷ ki Tuhan Yesus Kristus. Onu in inaidan i Paulus tatua diá bidon in noḷambo-ḷamboi mako.