LUKAS 10:6 - Alkitab Singog In Mongondow Masa In Tanaa

⁶ Bo aka kon tua oyúon in intau inta moibog in dodamean bo saḷamat, yo salammu tatua in motantú kon baḷoi tatua, tongá aka diá, yo salammu tatua in moibuibí kon inimu.

LUKAS 10:6 Iomraidhean Croise

MAZMUR 35:13

Kon dodai in mosia notakit, morobonoḷ in ginaku bo diá nongaan; akuoi in nosambayang bo kinumuyung,

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

LUKAS 10:5

Bo aka moiko in tumuot kon tobatú baḷoi yo naa in singogon muna, ‘Igumon mako dodamean bo saḷamat kotaki-takin monimu tobaḷoian naa.’

LUKAS 10:7

Kotantú kon tobatú baḷoi aka mogutun. Tarima onu in ogoi monia kon inimu. Sin intau inta mogaid in patusbí in sia motarima kon bungai in inaidannea. Donaai momampi-mamping mako kon pogutunan.

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

TESALONIKA 2 3:16

Ki Tuhanbí tua in pangkoi in kobiagan naton motompia. Poigumon mako umuran in Sia mobogoi kon i monimu in kobiagan motompia bo moonow kon bayongan in yagi-yagi. Bo igumon doman mako sinbá ki Tuhan in umuran moyotakin monimu komintan.

YAKOBUS 3:18

Soaḷ inta mopia tua bungaibí in bibit dodamean inta inambor in intau inta moibog in dodamean!

PETRUS 1 1:14

Kotoinduduidon kon i Allah, bo donaaidon mobiag podudui in ibogmu koḻipod, wakutu i moiko diápa nonotaau kon i Allah.

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”