LUKAS 10:40 - Alkitab Singog In Mongondow Masa In Tanaa

⁴⁰ Táe ki Marta in mosibuk totok mogaid kon oaidannea kon baḷoi. Dá ki Marta in dinimiug kon i Yesus bo noguman, “Tuhan, degá bo diábí ontongon i Tuhan in ki utatku tanion. Koinapa in sia tongábí ḻimitú mako mokidongog kon onu in poguman i Tuhan bo pomayánea mako in akuoi in mogaid tontaní?”

LUKAS 10:40 Iomraidhean Croise

MATIUS 14:15

Naonda in singgai noungkoḷomdon, murí-Nea mita namangoi kon i-Nia, bo noguman, “Tampat tanaa noitontaní bo singgai noungkoḷomdon, dá pokipobuiaidon in intau mita tanion sinbá mosia mayá motaḷui kon kaanon kon ḻipú mita.”

MATIUS 16:22

Táe kinambéan i Petrus in ki Yesus poḷat noguman, “Tuhan! Poigumonku sinbá tua komintan diá in mobaḻí!”

MARKUS 3:21

Intau mita in noguman, “Nobundaidon in Sia nion!” Bo naonda in kinodongogan in ginaḷum-Nea in singog monia tua, binayádon monia ginamá in ki Yesus.

LUKAS 10:38

Onda intua ki Yesus bo murí-Nea mita nongingguputdon kon bobayáan monia, bo mosia in noiyaputdon in tobatú ḻipu. Kon ḻipú tatua oyúon tobatú bobay nogoiní kon i monia minayá in baḷoinea, ki Marta in tangoinea.

LUKAS 10:41

Táe ki Tuhan in noguman, “Marta, Marta! Iko naa in totokbí mohawatir bo mopoyoyiga in awakmu tontaní bo tongá umuran morai kon bayongan rupa-rupa.

LUKAS 12:29

Tuamai kotantúon in raian bo dika umuran moḻia-ḻiaw in gina monimu kon soaḷ kaanon andeka inumon monimu.

LUKAS 9:55

Táe ki Yesus nobobui kon i monia bo sinumorú.

YOHANES 11:1

Oyúon tobatú intau ki Lazarus in tangoinea. Sia in nogutun kon Betania noyotakin i utatnea mita bobay ki Maria bo ki Marta.

YOHANES 11:5

Ki Yesus in motabibí kon i Maria, kon i Marta bo kon i Lazarus ki utat monia.

YOHANES 12:2

Kon tua, ki Yesus inoḷudan monia, ki Marta in nogoḷud kon kaanon tatua. Ki Lazarus bo mokokiangoi mita in iḻimitú nongaan noyotakin i Yesus.

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”