LUKAS 10:37 - Alkitab Singog In Mongondow Masa In Tanaa

³⁷ Mototundú kon agama tatua in notubag, “Intau inta ain inangoian in tabi bo poḷat notuḷung kon intau tatua.” Ki Yesus in noguman, “Dá aka natua, yo bayádon bo aidai doman in natua!”

LUKAS 10:37 Iomraidhean Croise

AMSAL 14:21

Ki ine in mopoompámai kon intau ibanea, mogaid kon dosa; ki ine in mopia in gina kon intau bogá yo mosanang in ginanea.

HOSEA 6:6

Ibogon-Ku totok in moiko totokdon in monotaau kon i-Nakó bo umuran motabi kon i-Nakó, dika in motubá in moiko bo moposumba in kuruban kon i-Nakó.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

MATIUS 23:23

Koboditodon ei moiko mototundú kon agama bo intau mita in Parisi! Ei moiko in intau mita inta mongomunapik. Pododungú in pogamaan monimu kon mopuḷú noporosen, tongá inta moponting totok kon bonu in hukum i Musa ḻiongon monimu.

LUKAS 10:36

Onda intua ki Yesus nonimpod kon ouman-Nea tatua bo noḻibó kon inia, “Podudui in raianmu, ki ine in kon sigad nayatoḷu tua in nomia kon oaid saḷaku tumpaḷa intau kon inia inta pinogagowan tatua?”

LUKAS 10:38

Onda intua ki Yesus bo murí-Nea mita nongingguputdon kon bobayáan monia, bo mosia in noiyaputdon in tobatú ḻipu. Kon ḻipú tatua oyúon tobatú bobay nogoiní kon i monia minayá in baḷoinea, ki Marta in tangoinea.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

PETRUS 1 2:21

Sin tuabí in mangaḻe pinogoinían i Allah kon i monimu. Sin ki Kristus tontaní ain notarima kon roriga lantaran moiko, bo tua in toḷadanbí kon i monimu sinbá duduian monimu in onu inta pinomia-Nea tatua.

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,