LUKAS 10:34 - Alkitab Singog In Mongondow Masa In Tanaa

³⁴ Dá dinimiug in sia kon intau tatua bo dinaritannea in anggur in kekebnea mita bo inundaman poḷat binakut kinopia in kekebnea tatua. Nopaḷut mako, pinoponiknea in intau tatua kon keledainea, bo dinia pinobayá in baḷoi inta pongongandupan bo sinompianeamai.

LUKAS 10:34 Iomraidhean Croise

KINOBAḺIAN 42:27

Kon tampat pinogogaian monia wakutu in doḷom, tobatú kon sigad monia tua nobuká kon karong in gandumnea sin mopokaan in keledainea. Bo nouḻíneadon in doitnea kon tudu in gandum tatua.

MAZMUR 147:3

Sia in mongundam kon intau inta kinobuḻian in kamang, bo mobakut kon kekeb mita monia.

IḶUAIAN 4:24

Kon tampat tobatú pinonḷoḷaigan kon bonu in binayáan tatua, ki Tuhan namangoi kon i Musa sin moḻimod kon inia.

MARKUS 14:8

Bobay tanaa ain nogaid kon onu in motaaunea aidan. Ḷananea tatua in pinosadianea kon poḷobongan kon i-Nakó kon wakutu in Akuoi diápa minatoi.

LUKAS 10:33

Noiduduimai kon tua oyúon intau in Samaria nongin daḷan doman tatua. Nokoontongmai kon intau tatua totok noḻiai in ginanea bo notabi.

LUKAS 10:35

Nopoikoḷomai kon singgai inogoiannea in doit saḷaka doyowa in kitogi baḷoi pongongandupan tatua bo nongoyow, ‘Tompiapa in sia bo onu in taḷuionmu ponompia kon inia daitonkubí toḻiuan aka mobuidon mangoi in akuoi.’ ”

LUKAS 2:7

Sia nopolahir in adí ḷoḷaki, ki adínea guya-guyang. Adí tatua binakutnea in yumbit in daing bodongka pinouḻid kon bonu in duḷang sin mosia in diá nokouḻí kon baḷoi pinongandupan.

SURAT I PAULUS KON JAMAAT RUM 12:20

Nanaa in aidai, aka gogoyon in saturumu yo ogoiai in sia in kaanon, aka moyogang in sia, yo ogoiai inumon. Sin aka tua in aidanmu, yo aidmu tatua in mokopooyábímai kon inia.

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.