LUKAS 10:30 - Alkitab Singog In Mongondow Masa In Tanaa

³⁰ Ki Yesus in notubag, “Oyúon intau nosiḻig nongkon Yerusalem. Sia mayá in Yerikho. Kon yuak in daḷan, sia dinomok in intau mita inta mogogagow. Binongkug monia in sia bo inagow doman in bayongan kapunyaannea inta kodia-dianea. Nodait mako inagow onu in kon inia, binongkug doman monia inimibo-ibog nodapot in aindon matoi bodongka sinaḷáan monia.

LUKAS 10:30 Iomraidhean Croise

MAZMUR 88:4

Akuoi naa in kinoantugan in susa mobayong; popatoi in kon ngaradon in ḷoḻingkop.

YEREMIA 51:52

Yo, taridiai in tosingogon-Ku tanaa. Moiangoibí in wakutunea Akuoi mohukum kon berhala mita in Babel. Kon sinangkub in butá tatua in kodongoganbí in amui in intau popisí in kinekeban modaḷom.

OMBAḶ 2:12

Noḷopídon in mosia in nongombaḷ noigum kon kaanon bo inumon kon i inánea. Naonda bo intau kinekeban, mosia in noumpag kon daḷan mita bo minatoi kokoyo-koyot i inánea.

YEHEZKIEL 30:24

Bo irotonan-Ku in kokaḷ i datu in Babel, bo popokadai-Ku kon ḻimanea in kedang-Ku. Táe kokaḷ i datu in Mesir in putoḷon-Kubí dá kumarak in sia bo matoi kon tayowon i datu in Babel, musungnea.

LUKAS 10:31

Noitongkanábí kon oyúon in tobatú imang nosiḻig nongin daḷan tatua. Táe naonda inontongnea intau inta binongkug monia tua, nomarut in sia bo nongin daḷan toḷosi.

LUKAS 18:31

Ki Yesus in nogoiní kon murí-Nea mopuḷú bodoyowá, bo noguman nanaa, “Indongogai! Tanaa mako kita in mopobayádon in Yerusalem, bo bayongan inta ain pinais in nabi mita soaḷ Adí Intau in intompodandon kon tua.

LUKAS 19:28

Naonda in ki Yesus nosingog kon tua komintan, Sia inumuna kon i monia minayá in Yerusalem.