LUKAS 10:28 - Alkitab Singog In Mongondow Masa In Tanaa

²⁸ Dá kai Yesus doman, “Totuu in tubagmu nion! Aidaidon intua komintan, dá iko in mokouḻíbí kon kobiagan mononoi.”

LUKAS 10:28 Iomraidhean Croise

NEHEMIA 9:29

Sinoboḷow-Mu in mosia sinbá totundú-Mu in duduian, táe diá sinarima monia in hukum-Mu takin dinumodia. Bokaka, aka hukum-Mu aidan, yo notantúbí kon koḷukadan in kobiagan. Mosia motogat in uḷu bo motogat doman in gina, doí mokidongog, bo doí dumudui.

AMSAL 19:16

Intau inta dumudui kon parenta mita i Allah in mosaḷamat, intau inta diá mopandung in matoibí.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

YEHEZKIEL 20:13

Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.

YEHEZKIEL 20:21

Táe tayowmobiag mita tatua in doí doman nokidongogmai kon i-Nakó. Iḻimimpat in mosia kon hukum-Ku mita bo nonaḷámai kon parenta-Ku mita, inta nopodandi kon intau inta dumudui kon tua in umuranbí mobiag. Mosia in noporaa-raatmaidon kon singgai in Sabat. Tuamai in nosadiadon in Akuoi mopoḷuai in torú-Ku kon i monia kon rawang in bungaion tatua bo moḻimod kon i monia komintan.

IMAMAT 18:5

Duduiaidon in atorang mita bo hukum mita inta ogoi-Ku kon i monimu. Aka aidan monimu in natua, mosaḷamat in kobobiagmu. Akuoi naa in ki Tuhan.”

MATIUS 19:17

Ki Yesus in noḻibó, “Nongonu sin iko in moḻibóbí kon i-Nakó kon onu inta mopia? Tongábí tobatú in mopia. Aka iko moibog mobiag, yo duduiaidon in bayongan parenta i Allah.”

MARKUS 12:34

Inontong i Yesus in mototundú kon agama tatua mopiadon in pototubagnea. Dá ki Yesus noguman kon inia, “Iko in motoyongdon mobaḻí anggota in umat i Allah.” Nopaḷut mako kon tua diádon tobatúmai intau nokobaḻí mopoḻibó-ḻibó kon i-Nia.

LUKAS 7:43

Dá kain tubag doman i Simon, “Tantú intau inta mobayong in boḻinea!” Kai Yesus, “Totuu in tubagmu nion.”

SURAT I PAULUS KON JAMAAT RUM 10:4

Hukum agama in Yahudi ain inintompodan i Kristus. Manangka intua intau inta mopirisaya kon i Kristus, hubungannea takin i Allah in motompiadon bui.

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

SURAT I PAULUS KON JAMAAT RUM 7:10

bo akuoi in minatoi. Dá hukum agama tatua, inta muna pinopomakusud kon mobogoi in kobiagan, táe naanta mokopoangoibí kon popatoi kon inakó.

GALATIA 3:12

Táe hukum i Musa in diábí pinodoyon kon pirisaya. Sin kon Buk Motusi ain pinais, intau inta dinumudui kon hukum i Musa, mobiag sin hukum tatua.

ULANGAN 6:24

Ki Tuhan Allah naton in nopotabá kon i naton mogaid kon bayongan parenta tatua bo mohoromat kon i-Nia. Aka kita momia natua, umuran-Nea ḷukadan in bangusa naton sinbá umuran mobiag motompia.