LUKAS 10:24 - Alkitab Singog In Mongondow Masa In Tanaa

²⁴ Sin toropbí monimu: Nobayong in nabi bo datu in moibog moindoi kon onu inta ain inontong monimu, táe mosia in diá nokoontong. Ná doman tua, mosia in moibog mokidongog kon ná inta ain dinongog monimu, táe mosia in diádon nokodongog kon tua.”

LUKAS 10:24 Iomraidhean Croise

MATIUS 13:16

“Táe mopia totok in matamu sin nokoontong bo bongoḷanmu sin nokodongog.”

LUKAS 10:23

Onda intua ki Yesus nobobui kon dumodudui-Nea mita bo noguman, “Nomujur totok moiko in nokoontong kon onu inta ain inontong monimu tanaa.

LUKAS 10:25

Noiduduimai kon tua, oyúon mototundú kon agama namangoi bo monungkuḷ kon i Yesus. Sia in noḻibó kon i Yesus, “Pak Guru, onu degá in musti aidanku sinbá akuoi mokouḻí kon kobiagan mopia bo mononoi?”

YOHANES 8:56

Ki amá monimu in ki Abraham nopia totok in ginanea sin sia mokoontong kon singgai-Ku. Sia in nokoontongdon bo nopiadon in ginanea!”

IBRANI 11:13

Bayongan in intau tatua in umuran nopirisaya umaai in minatoi. Mosia in diábí notarima kon onu inta pinodandi i Allah, táe tongá nokoontong bo notamad nongkon noyayú. Aid monia tua in noponiata kon mosia tua in tongábí intau mokokiangoi inta tongá doman noiandupmai kon dunia naa.

IBRANI 11:39

Moḷoben totok in kauntungan nouḻí in intau mita tatua popisí in pirisaya monia! Táe diábí in mosia notarima kon onu inta pinodandi i Allah,