LUKAS 10:15 - Alkitab Singog In Mongondow Masa In Tanaa

¹⁵ Bo moiko, Kapernaum! Degá kainimu kamai dá poḷantudonbí in iko dapot in soroga? Bá pogumanku, Diábí! Sedang bo moiko nion in pogonagbí kon naraka!”

LUKAS 10:15 Iomraidhean Croise

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

YESAYA 5:14

Dunia in intau minatoi nobukádon noḷoben sin moḻiom kon intau mita inta noiuna kon Yerusalem takin rayat inta nononbobutungan noyotakin.

YEREMIA 51:53

Umpakabí Babel mokotakod kon ḷangit bo moposindog in tampat poḷoḷukadan inta diá kodapotan, Akuoi in tantúbí mopotabá kon intau sin momoguyaat kon tua. Akuoi, ki Tuhan, in nosingog.”

YEHEZKIEL 26:20

Bo iko in pokidia-Kudon kon dunia in intau minatoi sin moyodugang in intau mita inta dungkuḷmai. Pomayá-Ku mako in iko in mogutun kon dunia in intau minatoi tua, kon yua-yuak in apug mononoi, moyotakin in intau minatoi. Dá butámu in diádon utunan bui, bo iko in diá bidon kotangoian kon sigad in intau nobiag.

YEHEZKIEL 31:18

Pangkoi in kayu tatua in nobaḻí tomponuot kon i datu in Mesir bo bangusanea. Diábí in pangkoi in kayu kon Eden inta totok in moḷantud bo momulia. Táe tanaa, naonda bo pangkoi mita in kayu kon Eden doman, pangkoi in kayu tatua in noponag doman kon dunia in intau minatoi bo moyosipun monia inta diá nonotaau kon i Allah bo takin i monia inta minatoi kon pinoparangan. Akuoi, ki Tuhan Inta Totok in moḷantud ain nosingog.”

YEHEZKIEL 32:18

“Ei intau ilo-ilow, ponogumatoidon kon rayat kon Mesir. Pokidiadon in mosia kon dunia in intau minatoi moyotakin in butá mita intau moropot ibanea.

YEHEZKIEL 32:20

Bangusa in Mesir in matoibí moyotakin monia inta minatoi kon bonu in parang. Kedang tobatú ain sinadia moḻimod kon i monia komintan.

YEHEZKIEL 32:27

Mosia in nokouḻí kon pinoḷobongan takin ihoromat naonda bo pahlawan dungkuḷmai inta noponag kon dunia in intau minatoi takin kodia-dia in pakakat in parang inta notouḷut. Pahlawan mita tatua in iḷobong takin pinopouḷun kon kedang bo kaḻeaw in kon tudu in dodob. Kon dodai in nobiagpa, pahlawan mita mongotorindog dá nokoondok kon bayongan in intau.

OBAJA 1:4

Umpakabí pomiaanmu in baḷoimu ná koḷantud in pugad in ḷagapan boniá, bo ná koḷantud in tundi mita kon ḷangit, yo iko in notantúbí kon pogonag-Ku.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

MATIUS 11:23

Bo iko Kapernaum, degá kainimu kamai iko in diaanbí mamonik in ḷangit? Diápa, sedang bo moiko in pogonagbí kon naraka! Sin aka soaḷ mita inta mokoherang inta ain nobaḻí kon yua-yuak monimu bo nobaḻí kon Sodom, yo kotá tatua in umuranpabí oyúon nodapot in masa in naa.”

MATIUS 4:13

Sia nonaḷámai kon Nazaret bo minayá nogutun kon Kapernaum, kon bingkí in Danow Galilea, kon butá in Zebulon bo Naptali,

LUKAS 13:28

Kon wakutu in mokoontong in moiko kon i Abraham, kon i Ishak bo kon i Yakub takin nabi mita mogaid kon rame kon bonu in dunia mobagu i Allah, yo mongombaḷbí in moiko sin moajar in gina monimu sin aindon inuntun pinoḷuai!

LUKAS 16:23

Kon dunia in intau minatoi sia mororiga totok. Bo wakutu in sia iḷumangag nongkon tampatnea tatua, inontongnea in ki Abraham, bo ki Lazarus in iḻimitú doman mako kon diugneamai.

ULANGAN 1:28

Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

PETRUS 2 2:4

Malaekatpa mita inta nogaid kon dosa, diábí doman pinilatan i Allah nongkon hukuman. Mosia tua in komintanbí doman pinogonag kon naraka. Mosia in pinobonu kon irang inta mosindip sin pogoḷa-goḷatan kon Singgai Ponantúan.