LUKAS 1:75 - Alkitab Singog In Mongondow Masa In Tanaa

⁷⁵ Kita in umuran mogaid kon onu in kinoibog bo inta kinosanang in gina-Nea kon wakutu in mobiagpa.

LUKAS 1:75 Iomraidhean Croise

YESAYA 43:21

Mosiabí tua in bangusa inta binaḻí-Ku kon i-Nakó: sinbá motaau mopotaau in dodayow kon i-Nakó.”

ZAKHARIA 8:19

“Puasa inta pinobayá kon buḷan noginggopat, noginḻima, noginpitu, bo nogimpuḷú in mobaḻíbí poramean mita inta mokoḷunganga bo mokosanang kon intau in Yohuda. Kotá bidon in inta moitutui bo inta modame!”

MATIUS 1:21

Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

EPESUS 1:4

Kon tungkuḷ in dunia naa diápa pinomia kita in koyongandon piniḻí i Allah pinongin i Kristus takin makusud bá kita in mobaḻí kapunyaan-Nea inta tongá mosumba kon i-Nia bo mogaid kon onu inta pinarenta-Nea. Lantaran ki Allah motabi,

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

EPESUS 4:24

Bo kobiagdon in moiko saḷaku intau mobagu inta pinomia podudui in ibog i Allah, inta moibog dinumudui kon tabiat moitutui, motuḻid bo motusi.

ULANGAN 6:2

Moiko bo buímu musti umuran mohoromat kon i Tuhan Allahmu bo dumudui kon bayongan hukum-Nea inta pinotaauku kon inimu, sinbá moumur in kobiagan monimu kon butá tatua.

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

TESALONIKA 1 4:7

Inoiní i Allah in kita, deemanbí mogaid kon inta moraat, táe mogaidbí kon onu inta mokosanang kon gina-Nea.

TESALONIKA 2 2:13

Utatku mita inta kinotabi i Tuhan! Kami in musti umuran mopoyaput in sukur kon i Allah popisí in moiko, sin nongkon pinomangkoianpabímai piniḻídon i Allah in moiko sin posaḷamaton. Kasaḷamatan inta inaidan in Roho i Allah kon i monimu sinbá moiko in baḻíon umat i Allah inta mokudus sin mopirisaya in moiko kon habar inta mobanar nongkon i Allah.

TIMOTIUS 2 1:9

Ki Allah in noposaḷamat bo nogoiní kon i naton bá mobaḻí umat inta kinotabi-Nea. Tua in inaidan-Nea, deemanbí pinodoyon kon oaid naton mopia, táe pinodoyon-Neabí kon makusud-Nea tontaní bo totabi-Nea inta pinongin i Kristus Yesus kon wakutupa in dunia naa diápa pinomia.