LUKAS 1:65 - Alkitab Singog In Mongondow Masa In Tanaa

⁶⁵ Dá intau mita topodiugmai kon tua, komintan inangoian in ondok. Onu inta ain nobaḻí tatua, nobaḻí ouman kon bayongan ḻipú in Yudea.

LUKAS 1:65 Iomraidhean Croise

MATIUS 2:1

Naonda in ki Yesus pinononggadídon kon Betlehem, kon tungkuḷ intua butá in Yudea pinareta i Datu Herodes, bo dodai intua namangoidon kon Yerusalem in intau mita in Mayusi nongkon Pomukaan.

LUKAS 1:39

Diá noonggot kon tua, ki Maria minayá in tobatú kotá kon buḷud in Yudea.

LUKAS 2:18

Bo intau mita inta nokodongog kon ouman in gombala mita tatua nongoherang.

LUKAS 5:26

Mosia komintan totok in nongoherang bo nodayow kon i Allah. Bo takin porasaan noondok in mosia noguman, “Mokoherang totok in onu inta nobaḻí inta inontong naton singgai in naa!”

LUKAS 7:16

Intau kon tua noondok komintan bo nodayow kon i Allah poḷat noguman, “Tobatú nabi inta moḷoben naadon kon yua-yuak naton! Bo ki Allah in namangoidon moposaḷamat kon umat-Nea!”

OUMAN IN RASUL MITA 19:17

Bayongan intau in Yahudi bo intau mita ibanea inta nogutun kon Epesus komintan nokodongog kon soaḷ mita tatua, dá nongoondok in mosia bo totok in nodayow kon tangoi i Tuhan Yesus.

OUMAN IN RASUL MITA 2:43

Nobayongdon totok in soaḷ mita mokoherang inaidan in rasul mita tatua sahingga in mopia in gina monia bo moondok doman.

OUMAN IN RASUL MITA 5:11

Dá totokdon noondok in bayongan jamaat bo bayongan intau inta nokodongog kon onu inta ain nobaḻí tatua.

OUMAN IN RASUL MITA 5:5

Naonda in nokodongog kon singog i Petrus natua in ki Ananias baḷú noumpag bo minatoi. Dá totok nongoondok in intau mita inta nokodongog kon onu inta nobaḻí tatua.

YOSUA 10:40

Bayongan in butá tatua pinotungkud i Yosua. Sia nonaḷow kon bayongan in datu mita inta kon buḷud, kon oyuk mita in buḷud kon dotá in pomukaan, kon sipangkoion mita in buḷud kon dotá in toyopan, bo kon ḷopá mita kon dotá in toḷatan. Diábí in tobatúmai in intau in pinomayánea mako nobiag; komintanbí iḻimod. Tua in pinoduduibí kon parenta i Tuhan, Allah in Israel.

YOSUA 10:6

Intau mita in Gibeon nopotaau in habar tanaa kon i Yosua inta kon pinononḷoḷaigan kon Gilgal, “Dika pomayá mako in kami tontaní, Tuang! Ḷagidon angoi bantungai in kami, sin tontara nongkon bayongan datu in Amori kon buḷud ain noyodondon sin monubu kon inami!”

WAHYU 11:11

Naonda in toḷudon nosinggai kapin, noiangoidon bui in tompot kobiagan nongkon i Allah bo sinumuot bui kon nabi doyowa tatua. Dá mosia in nobangon bo sinimindog, sahingga in bayongan intau inta nokoontong kon i monia inagíandon totok in ondok.