LUKAS 1:58 - Alkitab Singog In Mongondow Masa In Tanaa

⁵⁸ Bo naonda in topodiugnea mita bo ginaḷumnea mita nokodongog kon ki Tuhan ain nopoontong in totabi-Nea inta totok in moḷoben, dá nopia totok in gina monia, natua doman gina i Elisabet.

LUKAS 1:58 Iomraidhean Croise

KINOBAḺIAN 19:19

Totuubí kon ki Tuang aindon totok notuḷung kon inakó bo noposaḷamat kon nyawaku. Táe buḷud tatua totuu moyayú; moondok in akuoi, dika-dikabo kobatukan in bodito tatua in akuoi bo matoi kon dodai in diápa moyaput in tampat tatua.

KINOBAḺIAN 21:6

Ki Sara in nosingog, “Binaḻídon i Allah in akuoi kinumosing sin moḷunganga in gina. Pomuḷoi intau inta mokodongog kon soaḷ tanaa in kumosing sin moḷunganga in gina ná koḷunganga in ginaku.”

MAZMUR 113:9

Sia in noponotabi in adí mita kon buḷoi bobay inta bantó nomaḻí kon inia iná inta noḷunganga in gina bo ihoromat kon baḷoinea. Dayowdon in ki Tuhan!

AMSAL 23:25

Igumon mako in ki amá bo ki inámu mopia in ginanea kon inimu; igumon mako in mosanangdon totok in bobay inta nopononggadí kon inimu.

LUKAS 1:14

Mosanang bo moḷunganga totok in ginamu, ná doman tua, mobayong doman intau in mosanang in gina aka adí tatua moilahirdon.

LUKAS 1:25

Ki Elisabet nosingog nanaa, “Pangabisannea sinuḷungan i Tuhan in akuoi, ininggamáan-Nea in onu inta mokooyá kon inakó.”

LUKAS 1:57

Noiduduimai kon tua nodapotdon singgai pononggadían i Elisabet, sia nopolahir in adí ḷoḷaki.

LUKAS 14:12

Onda intua ki Yesus noguman kon i togi baḷoi, “Aka iko bo mogaid kon bobutungan kon wakutu in singgai andeka doḷom, yo donaaidon mogoiní kon yobayat, utat, andeka bayongan ginaḷum bo topodiugmu inta nobiag nooyúon, sin aka natua yo tuḻían doman oiníon monia in iko. Dá oyúon tontuḻí in pinogoiníanmu kon i monia.

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

KORINTUS 1 12:26

Manangka intua aka anggota tobatú bo mokorasa kon roriga, yo anggota ibanea in mokorasa doman kon roriga tatua; bo aka tobatú anggota bo duíon, yo gina in anggota ibanea in tumpaḷabí moḷunganga.