LUKAS 1:53 - Alkitab Singog In Mongondow Masa In Tanaa

⁵³ Sia mobogoi in bayongan inta mopia kon intau mita inta ginogoy, táe intau mita inta nooyúon poguntunon-Nea bo diá ogoian in onu bo onu.

LUKAS 1:53 Iomraidhean Croise

MAZMUR 146:7

Sia in moduḷu kon hak in intau mita inta sinoko dorot, bo mobogoi in kaanon kon intau inta ginogoi. Ki Tuhan in mopoḷuai kon intau mita inta pinonjara,

MAZMUR 34:10

Horomatdon in ki Tuhan, ei moiko umat-Nea, sin intau inta mopirisaya in diábí kodaitan.

YEHEZKIEL 34:29

Poḷumbaan-Kubí in gobá mita monia dá diá bidon in malarat in kaanon kon butá tatua. Mosia in diá bidon singkuḻeon bui in bangusa mita ibanea.

MATIUS 5:6

Pia in kamang in intau inta moibog totok mogaid kon inta mobanar; sin bayongan tua in ogoibí i Allah.

LUKAS 1:54

Sia in motuḷung kon Israel inta simpaḷ-Nea, podudui in dandi inta pinodandi-Nea kon i mogoguyang naton.

LUKAS 6:21

Pia in kamang in moiko inta ginogoy tanaa mako; sin moiko in ogoianbí in kaanon kobotugon! Pia in kamang in moiko inta tanaa mako nongombaḷ sin moiko in kumosingbí.

LUKAS 6:24

Táe koboditodon in moiko inta nobiag nooyúon in tanaa mako; sin moiko ain nokorasa kon inta mopia kon dunia naa!

YOHANES 6:35

Dá kai Yesus doman, “Akuoibí naa in roti inta mobogoi in kobiagan, intau mita inta mamangoi kon i-Nakó in diá bidon angoian bui in gogoy. Bo intau inta mopirisaya kon i-Nakó in diá bidon moyoga-yogang bui.

KORINTUS 1 1:26

Utat! Toropka bui monimu naonda in kaadaan monimu wakutu inoiní i Allah. Tongábí topiḻik in intau kon sigad monimu in mopandoi, ande oyúon in kawasa, ande koḷoḻitúan moḷantud kon sigad in intau moantó.

KORINTUS 1 4:8

Oobí kon diá bidon moparaḷu kon onu bo onu in moiko! Sin nooyúondon bo nobaḻídon datu in moiko! Yo kami in diá. Mopiabí totok aka moiko bo totu-totuudon nobaḻí datu, sinbá motaau in kami momarenta moyotakin monimu.

SAMUEL 1 2:5

Intau inta koḻipod nobotug sin nobarong in kaanon, tanaa in nobaḻídon intau totondanan mogaid tongá bá mokouḻí kon kaanon. Intau inta koḻipod ginogoi, tanaa in noguḻídon, tugatdon in kaanon. Buḷoi inta bantó, mopiadon in ginanea in tanaa, pitu in adí pinononggadíneadon! Táe ki iná inta mobayong in ki adínea, sinaḷáandon, biniódon mako natua.