LUKAS 1:48 - Alkitab Singog In Mongondow Masa In Tanaa

⁴⁸ Sia nokotorop kon inakó, bobantung inta nobogá! Pinangkoi kon tanaa mako bayongan in intau moguman kon akuoi in totok mosanang.

LUKAS 1:48 Iomraidhean Croise

KINOBAḺIAN 30:13

bo ki Lea in noguman, “Totuudon mosanang in akuoi! Tanaa mako bayongan bobay in mogumandon kon akuoi in totuudon mosanang.” Tuamai adí tatua sinangoianneadon ki Asyer.

SAMUEL 2 7:8

Tuamai, Natan, potaau kon mogogundoi-Ku ki Daud, kon Akuoi, ki Tuhan Inta Totok in Mokawasa, noguman kon inia, ‘Iko in biningkat-Kudon nongkon oaidanmu moḷoḷukad kon domba kon tampatnea bo dinuí-Kudon nobaḻí datu kon umat-Ku Israel.

MAZMUR 102:17

aka ki Tuhan moposindog bui in Sion, bo simindog kon bonu in koḷoḷantud-Nea.

MAZMUR 136:23

Sia in diábí nokoḻiong kon i naton kon tungkuḷ in kita sinaḷow; tabi-Nea in umuran mononoi.

MAZMUR 138:6

Iko in totokbí in momulia, táe inta noempeng in inindoian-Mubí doman; intau moḷoḷatú in diábí mokopogadop kon ini-Mu.

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

MALEAKHI 3:12

Dá moiko in tangoion bidon in bayongan intau moḷunganga, sin butámu mobaḻí tampat inta totok in mopia pogutunan.”

LUKAS 1:28

Malaekat tatua sinumuot kon baḷoi i Maria bo poḷat noguman nanaa, “Salam kon inimu inta binarakatan, ki Tuhan in koyota-yotakinmu.”

LUKAS 1:42

bo poḷat nosingog noropot, nanaa, “Binarakatandon in iko kon sigad in bayongan bobay! Binarakatan doman in adí inta polahirmu!

LUKAS 1:45

Kosanangdon iko inta mopirisaya, sin onu inta ain pinoguman i Tuhan kon inimu, totu-totuubí mobaḻí intua!”

LUKAS 1:49

Sin ki Allah inta totok in mokawasa ain nogaid kon oaidan inta totok in moḷoben kon inakó. Mokudus totok in tangoi-Nea

LUKAS 11:27

Koyogotpa in ki Yesus nosingog, indoianmai tobatú bobay kon sigad intau mobayong tatua nogumanbí kon i Yesus nanaa, “Mosanangdon totok in bobay inta nopolahir bo nopoteté, kon i Tuang.”

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.